អតីតកីឡាករ Liverpool អាចបាត់បង់ការងារ ក្រោយស្ដោះទឹកមាត់ដាក់អ្នកគាំទ្រMan Utd

2018-03-12 08:28:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតខ្សែការពាររបស់ក្លឹបហង្សក្រហម Liverpool លោក Jamie Carragher នឹងត្រូវស្ថាប័នសារព័ត៌មាន និងប៉ុស្តិ៍ទូរទស្សន៍ Sky Sportsនៅចក្រភពអង់គ្លេស ហៅចូលនិយាយតទល់គ្នា ដើម្បីឲ្យបកស្រាយ អំពីទង្វើរបស់គាត់ដែលបានស្ដោះទឹកមាត់ដាក់អ្នកគាំទ្រនារីរបស់ក្លឹប Manchester United ម្នាក់ ពេលកំពុងបើកបរ។

លោក Jamie Carragher

ហេតុការណ៍នេះ បានកើតឡើងបន្ទាប់ពីលោកបានចេញពីតុពិភាក្សារបស់ប៉ុស្តិ៍ Sky Sports ក្នុងជំនួបដែលក្រុម Man Utd បានយកឈ្នះក្រុម Liverpool ដោយលទ្ធផល ២-១ នៅកីឡដ្ឋាន Old Trafford កាលពីថ្ងៃសៅរ៍ កន្លងទៅ។ សកម្មភាពរបស់ Carragher ត្រូវបានឪពុករបស់យុវតីដែលជាអ្នកគាំទ្រក្រុមបិសាចក្រហម ថតបាន។

យ៉ាងណាក៏ដោយ Carragher ដែលមានវ័យ ៤០ឆ្នាំ បានសរសេរនៅលើបណ្ដាញសង្គមដើម្បីសុំទោសជាសាធារណៈចំពោះទង្វើរបស់ខ្លួន ហើយបានបកស្រាយថា មានគេព្យាយាមលួចថតពេលធ្វើដំណើរតាមផ្លូវប្រហែល ៣-៤ដង។

Jamie Carragher ស្ដោះទឹកមាត់ដាក់អ្នកគាំទ្រ Man Utd

Carragher ត្រូវបង្ហាញខ្លួនជាថ្មីនៅក្នុងកម្មវិធីមួយរបស់ Sky Sports នៅពេលជំនួបរវាងក្រុម Manchester City និង Stoke City នៅថ្ងៃចន្ទនេះ។ អតីតកីឡាករជម្រើសជាតិអង់គ្លេសដដែល បានចូលបម្រើការងារនៅប៉ុស្តិ៍ទូរទស្សន៍ខាងលើ ជាអ្នកវិភាគបាល់ទាត់ ចាប់តាំងពីឆ្នាំ២០១៣ មកម៉្លេះ៕

ប្រភព៖ Dailymail ប្រែសម្រួល៖ លាភ.