ឧទ្ធម្ភាគចក្រចិន៣គ្រឿង នឹងត្រូវដឹកមកដល់កម្ពុជា នៅរសៀលថ្ងៃទី១៣មីនានេះ
- 2018-03-12 23:54:00
- ចំនួនមតិ 0 | ចំនួនចែករំលែក 0
ឧទ្ធម្ភាគចក្រចិន៣គ្រឿង នឹងត្រូវដឹកមកដល់កម្ពុជា នៅរសៀលថ្ងៃទី១៣មីនានេះ
ចន្លោះមិនឃើញ
បើគ្មានអ្វីប្រែប្រួល ឧទ្ធម្ភាគចក្រចិន ៣គ្រឿងដែលចូលរួម ក្នុងសមយុទ្ធនាគមាស នឹងមកដល់កម្ពុជា នៅរសៀលថ្ងៃទី១៣ ខែមីនា ឆ្នាំ២០១៨នេះ។ នេះជាការបញ្ជាក់ឲ្យដឹងពីលោកវរសេនីយ៍ ឃួន ថង ស៊ីង មន្ត្រីព័ត៌មានមូលដ្ឋានទ័ព អាកាសខេមរភូមិន្ទ។
លោកវរសេនីយ៍ ឃួន ថងស៊ីង បានបញ្ជាក់បន្ថែមថា ឥឡូវនេះ ឧទ្ធម្ភាគចក្រទាំង៣គ្រឿង កំពុងស្ថិតនៅប្រទេសឡាវ ហើយប្រសិនបើធាតុអាកាស មិនប្រែប្រួល ឬក៏អំណោយផលក្នុងការហោះហើរ នោះឧទ្ធម្ភាគចក្រ នឹងមកដល់កម្ពុជានៅម៉ោង២:៣០នាទីរសៀល។
សូមបញ្ជាក់ថា យោធាកម្ពុជា-ចិន នឹងធ្វើសមយុទ្ធរួមគ្នាជាលក្ខណៈទ្រង់ទ្រាយធំ ចាប់ពីថ្ងៃទី១៧ ដល់ថ្ងៃទី៣០ ខែមីនា ឆ្នាំ២០១៨ ហើយសមយុទ្ធនោះ ភាគច្រើនផ្ដោតទៅលើការប្រឆាំងភេរវកម្ម និងសង្គ្រោះបន្ទាន់។ សមយុទ្ធរវាងកងទ័ពទាំងពីរនេះ នឹងប្រព្រឹត្តទៅលើវិញ្ញាសាជាច្រើនដូចជា ការរាវមីន និងកម្ទេចយុទ្ធភណ្ឌមិនទាន់ផ្ទុះ, ការដោះគ្រាប់បែកសារធាតុគីមីពុល, ការបន្សាបជាតិគីមីពុល, ការប្រយុទ្ធកងអនុសេនាធំរថក្រោះសហការជាមួយវរសេនា តូចថ្មើរជើង, ការរំដោះចំណាប់ខ្មាំង, ការងារមនុស្សធម៌ និងការបាញ់គ្រាប់ពិត ជាដើម៕