Duterte គំរាមបោះអ្នកជំនាញការ UN ឲ្យក្រពើស៊ី
- 2018-03-13 04:30:31
- ចំនួនមតិ 0 | ចំនួនចែករំលែក 0
Duterte គំរាមបោះអ្នកជំនាញការ UN ឲ្យក្រពើស៊ី
ចន្លោះមិនឃើញ
ប្រធានាធិបតីហ្វីលីពីន លោក Rodrigo Duterte អំពាវនាវឲ្យកងទ័ព បដិសេធសហការជាមួយអ្នកជំនាញការរបស់អង្គការសហប្រជាជាតិ ហើយឲ្យបោះអ្នកជំនាញការទាំងនោះទៅឲ្យសត្វក្រពើ។ ការថ្លែងរបស់មេដឹកនាំហ្វីលីពីនរូបនេះ បានធ្វើឡើងនៅក្រុង Zamboanga កាលពីចុងសប្ដាហ៍មុន។
ការថ្លែងរបស់លោក Duterte ដូច្នេះ គឺក្រោយប្រធានសិទ្ធិមនុស្សរបស់អង្គការសហប្រជាជាតិ លោក Zeid Ra'ad Al Hussein បានឲ្យលោក Duterte ទៅព្យាបាលជំងឺផ្លូវចិត្ត។
សូមបញ្ជាក់ថា នេះគឺជាការវិវត្តចុងក្រោយរវាងក្នុងសង្គ្រាមវោហាសព្ទរវាងប្រធានាធិបតី Duterte និងប្រធានសិទ្ធិមនុស្សអង្គការសហប្រជាជាតិ លោក Zeid Ra'ad Al Hussein។
ការវិវត្តចុងក្រោយនេះ គឺក្រោយអង្គការសហប្រជាជាតិ និងតុលាការព្រហ្មទណ្ឌអន្តរជាតិ បានបើកការស៊ើបអង្កេតលើលោក Duterte ដោយអះអាងថា មានការសម្លាប់មនុស្សក្រៅច្បាប់ នៅក្នុងសង្គ្រាមប្រឆាំងគ្រឿងញៀនរបស់រដ្ឋាភិបាលហ្វីលីពីន៕