Lampard ប្រាប់ Chelsea ឲ្យដាក់កីឡាករម្នាក់ដើម្បីទម្លាក់ Barca ដូចរឿង Torres កាលឆ្នាំ២០១២

2018-03-14 09:57:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Frank Lampard វីរបុរសរបស់ក្រុមតោខៀវ Chelsea បានប្រាប់ទៅកាន់លោក Antonio Conte គ្រូបង្វឹក Chelsea ឲ្យដាក់ខ្សែប្រយុទ្ធ Alvaro Morata ក្នុងជម្រើស១១នាក់ដំបូង ពេលប្រកួតទល់នឹងក្រុមម្ចាស់ផ្ទះ Barcelona នៅជើងទី២ វគ្គ ១៦ក្រុមចុងក្រោយ ពានរង្វាន់ UEFA Champions League នៅកីឡដ្ឋាន Nou Camp។

Alvaro Morata

Lampard ជឿថា Morata អាចក្លាយជា Fernando Torres ទីពីរ ដែលធ្លាប់ជួយ Chelsea ទម្លាក់ Barcelona នៅវគ្គពាក់កណ្ដាលផ្តាច់ព្រ័ត្រ Champions League កាលពីឆ្នាំ២០១២ ដែលពេលនោះ Torres បានរកគ្រាប់ចុងម៉ោង ជួយឲ្យក្រុមតោខៀវឈ្នះដោយលទ្ធផល ៣-២ (ពីរជើង) ។

Torres ជួយ Chelsea យកឈ្នះ Barcelona កាលពីឆ្នាំ២០១២

អតីតកីឡាករជម្រើសជាតិអង់គ្លេសដដែល បាននិយាយថា Morata អាចបំពេញកាត្វកិច្ចនេះបានល្អជាង Eden Hazard ដែលលោក Conte បានដាក់ឲ្យលេងជាខ្សែប្រយុទ្ធជួរមុខ កាលពីប៉ះ Barcelona នៅជើងទីមួយ ដែលបញ្ចប់ទៅដោយលទ្ធផលស្មើគ្នា ១-១ នៅក្នុងទឹកដីរបស់ក្រុមតោខៀវ។

គួរបញ្ជាក់ថា Morata ធ្លាប់មានប្រវត្តិជួយរកគ្រាប់បាល់ឲ្យ Juventus ឡើងទៅវគ្គជួប Barcelona នៅវគ្គផ្តាច់ព្រ័ត្រ កាលពីឆ្នាំ២០១៥។ កីឡាកររូបនេះក៏បានស៊ុតបញ្ចូលទី១គ្រាប់ ទៅលើក្រុមអ្នកមានបុណ្យផងដែរ ក្នុងការប្រកួតដែល Barcelona យកឈ្នះ Juventus ដោយលទ្ធផល ៣-១៕