ម៉ាតល្បីរបស់ថៃ 7-Eleven ត្រៀមបំពាក់បច្ចេកវិទ្យាបញ្ញាសិប្បនិមិត្ត (AI)
- 2018-03-19 02:00:04
- ចំនួនមតិ 0 | ចំនួនចែករំលែក 0
ម៉ាតល្បីរបស់ថៃ 7-Eleven ត្រៀមបំពាក់បច្ចេកវិទ្យាបញ្ញាសិប្បនិមិត្ត (AI)
ចន្លោះមិនឃើញ
7-Eleven ដែលជាផ្សារទំនើបខ្នាតតូចៗ (ម៉ាត) មានឈ្មោះល្បីខ្លាំងនៅប្រទេសថៃ នឹងបំពាក់បច្ចេកវិទ្យាបញ្ញាសិប្បនិមិត្ត (AI) ដើម្បីតាមដានរាល់សកម្មភាពបុគ្គលិក និងអតិថិជនរបស់ខ្លួន នាពេលឆាប់ៗខាងមុខ។
បច្ចេកវិទ្យា AI នេះនឹងត្រូវដាក់នៅតាមគ្រប់សាខាម៉ាតទាំងអស់របស់ 7-Eleven ដែលមានទីតាំងនៅជាង ១១០០០កន្លែងក្នុងប្រទេសថៃ។ 7-Eleven បានដាក់ឈ្មោះឲ្យបច្ចេកវិទ្យានេះថា KanKan ដោយមានកិច្ចសហការជាមួយនឹងក្រុមហ៊ុន Remark Holdings ដែលជាក្រុមហ៊ុន AI កំពុងដំណើរការនៅប្រទេសចិន និងសហរដ្ឋអាមេរិក។
KanKan នឹងអាចសម្គាល់ដឹងនូវទឹកមុខ និងកាយវិការរបស់អតិថិជន ក្នុងការប៉ាន់ប្រមាណអំពីចរាចរណ៍ជាទូទៅនៅក្នុងម៉ាត។ មួយវិញទៀត វាក៏នឹងអាចប្រមូលផ្ដុំនូវរាល់សកម្មភាពបុគ្គលិកផងដែរ ហើយការធ្វើដូច្នេះគឺដើម្បីងាយស្រួលដល់អ្នកគ្រប់គ្រងជ្រើសរើសដំឡើងតំណែង ឬប្រាក់ខែដល់ក្រុមបុគ្គលិក៕