បំណុលជាតិអាមេរិក កើនដល់កម្រិតខ្ពស់បំផុតជាលើកដំបូងក្នុងប្រវត្តិសាស្ត្រ
- 2018-03-20 03:44:09
- ចំនួនមតិ 0 | ចំនួនចែករំលែក 0
បំណុលជាតិអាមេរិក កើនដល់កម្រិតខ្ពស់បំផុតជាលើកដំបូងក្នុងប្រវត្តិសាស្ត្រ
ចន្លោះមិនឃើញ
ជាលើដំបូងក្នុងប្រវត្តិសាស្ត្ររបស់អាមេរិក បំណុលជាតិរបស់សហរដ្ឋអាមេរិកបានកើនឡើងដល់កម្រិតខ្ពស់បំផុត គឺ ២១ទ្រីលានដុល្លារ នាសប្ដាហ៍នេះ។ នេះបើតាមការបញ្ជាក់របស់ក្រសួងរតនាគារជាតិអាមេរិក។
ការកើនឡើងបំណុលជាតិអាមេរិកដល់កម្រិតខ្ពស់បំផុតនេះ គឺក្រោយសភាអាមេរិកបានអនុម័ត ហើយប្រធានាធិបតី ដូណាល់ ត្រាំ បានចុះហត្ថលេខាពន្យារលើការកំណត់ពិដានបំណុល កាលពីខែកុម្ភៈ ២០១៨ កន្លងទៅ ដោយអនុញ្ញាតឲ្យរដ្ឋាភិបាលអាចខ្ចីលុយដោយគ្មានដែនកំណត់រហូតដល់ថ្ងៃទី១ មីនា ២០១៩ ខាងមុខ។
ចំណែកគណៈកម្មាធិការទទួលបន្ទុកថវិការដ្ឋបាលសហព័ន្ធ របស់សភាអាមេរិក បានប៉ាន់ស្មានថា ឱនភាពសរុបប្រចាំឆ្នាំ នឹងកើនឡើងរហូតដល់ ២,១ទ្រីលានដុល្លារ ហើយធ្វើឲ្យបំណុលជាតិអាមេរិកកើនឡើងកាន់តែខ្ពស់ជាងមុនបន្ដទៀត៕