លោក ដូណាល់ ត្រាំ អបអរលោកពូទីន តាមទូរសព្ទដែលបានជាប់ជាប្រធានាធិបតីបន្តទៀត

2018-03-20 22:58:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក លោក ដូណាល់ ត្រាំ បានទូរសព្ទទៅកាន់លោក វ្លាឌីមា ពូទីន ដើម្បីបង្ហាញការអបអរសាទរ ដែលលោកបានជាប់ឆ្នោតធ្វើជាប្រធានាធិបតីរុស្ស៊ីបន្តទៀត។ លោក ដូណាល់ ត្រាំ បានថ្លែងបញ្ជាក់ឲ្យដឹងដូច្នេះនៅសេតវិមាន កាលពីថ្ងៃទី២០ ខែមីនា ឆ្នាំ២០១៨។

លោក ដូណាល់ ត្រាំ បានឲ្យដឹងថាក្នុងកិច្ចសន្ទនានោះ លោក ពូទីន ចង់ឲ្យមានកិច្ចប្រជុំដើម្បីពិភាក្សាអំពីជម្លោះនៅក្នុងប្រទេសអ៊ុយក្រែន និងស៊ីរី និងការគំរាមកំហែងនុយក្លេអ៊ែររបស់កូរ៉េខាងជើង។ ចំណែកវិមានគ្រែមលីន បញ្ជាក់ថា មេដឹកនាំទាំង២ បានពិភាក្សាអំពីការប្រយុទ្ធប្រឆាំងភេរវកម្មអន្តរជាតិ ការទប់ស្កាត់ការរត់ប្រណាំងសព្វាវុធ និងការជំរុញសហប្រតិបត្តិការសេដ្ឋកិច្ចផងដែរ។

ការអបអរសាទរតាមទូរសព្ទដូច្នេះ ធ្វើឡើងតែ១ថ្ងៃប៉ុណ្ណោះបន្ទាប់ពីសេតវិមាន អះអាងថា មិនមានគម្រោងណាមួយអបអរលោក លោក ពូទីននោះទេ និងធ្វើឡើងក្នុងពេលដែលមានភាពតានតឹងទៅលើបញ្ហានៃការជ្រៀតជ្រែករបស់រុស្ស៊ីចូលក្នុងការបោះឆ្នោតអាមេរិកកាលពីឆ្នាំ២០១៦ផងដែរ៕

ប្រភព៖ The Wall Street Journal ប្រែសម្រួល៖ សំភី