គម្រោងស្ពាន២កន្លែង ឆ្លងកាត់ទន្លេនៅភ្នំពេញ ត្រូវបានសិក្សារួចហើយ

2018-03-20 23:24:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ុន ចាន់ថុល ទេសរដ្ឋមន្ដ្រី រដ្ឋមន្ដ្រីក្រសួងសាធារណការ និងដឹកជញ្ជូន បានបញ្ជាក់ថា ស្ពានឆ្លងកាត់ទន្លេពីភ្នំពេញ-អរិយក្សត្រ និងភ្នំពេញ-ព្រែកតាកុយ ត្រូវបានក្រសួងសិក្សារួចរាល់ហើយ ខណៈដីនៅតំបន់នោះ កំពុងឡើងថ្លៃយ៉ាងខ្លាំង។ ការថ្លែងបញ្ជាក់នេះ នៅក្នុងពិធីចុះហត្ថលេខា លើ MOU ស្តីពី “បើពិសាគ្រឿងស្រវឹង សូមកុំបើកបរ និងសុវត្ថិភាពចរាចរណ៍ផ្លូវគោក ឆ្នាំ២០១៨” កាលពីថ្ងៃទី២០ ខែមីនា ឆ្នាំ២០១៨។

លោក ស៊ុន ចាន់ថុល ថ្លែងនាពេលកន្លងមក

លោក ស៊ុន ចាន់ថុល បានមានប្រសាសន៍ថា «***ស្ពានអរិយក្សត្រ និងព្រែកតាកុយ ពីរហ្នឹង យើងខ្ញុំថា គម្រោងនេះបានសិក្សាហើយ ក៏ប៉ុន្ដែមិនទាន់បានដាក់ចូល នៅក្នុងគម្រោងស្នើសុំថវិកាពីប្រទេសចិនទេ***»។

លោកអះអាងថា នាពេលថ្មីៗនេះប្រទេសកូរ៉េ បានសន្យាជូន សម្តេច ហ៊ុន សែន ថា ចង់សាងសង់ស្ពានមួយនៅក្នុងប្រទេសកម្ពុជា។ លោកថា សព្វថ្ងៃនេះនៅកម្ពុជា មានស្ពានដូចជា ស្ពានមិត្តភាព កម្ពុជា-ចិន និងស្ពានមិត្តភាព កម្ពុជា-ជប៉ុន។ ប៉ុន្តែស្ពានមិត្តភាព កម្ពុជា-កូរ៉េ មិនទាន់មាននៅឡើយ ទើបកូរ៉េធ្វើតាមការសន្យាចង់មានស្ពានមួយនៅកម្ពុជា ជាពិសេស ស្ពានភ្នំពេញ -អរិយក្សត្រ និងភ្នំពេញ-ព្រែកតាកុយ៕