អាមេរិកព្រមជួយតៃវ៉ាន់ផលិតនាវាមុជទឹក តែចិនប្រឆាំងដាច់ខាត
- 2018-04-11 04:20:00
- ចំនួនមតិ 0 | ចំនួនចែករំលែក 0
អាមេរិកព្រមជួយតៃវ៉ាន់ផលិតនាវាមុជទឹក តែចិនប្រឆាំងដាច់ខាត
ចន្លោះមិនឃើញ
រដ្ឋាភិបាលទីក្រុងប៉េកាំង បានប្រកាសថា ខ្លួនប្រឆាំងដាច់ខាតចំពោះទង្វើរបស់អាមេរិកដែលចង់លក់អាវុធឲ្យទៅកោះតៃវ៉ាន់ ក្រោយពីរដ្ឋបាលលោកដូណាល់ ត្រាំ បានយល់ព្រមផ្តល់អាជ្ញាប័ណ្ណដល់ក្រុមហ៊ុនអាមេរិក ដើម្បីជួយតៃវ៉ាន់ក្នុងការផលិតនាវាមុទទឹកដោយខ្លួនឯង។ នេះបើតាមការបញ្ជាក់របស់លោកWu Qian អ្នកនាំពាក្យក្រសួងការពារជាតិចិន ក្នុងសេចក្តីថ្លែងការណ៍ កាលពីថ្ងៃ០៩ មេសា ឆ្នាំ២០១៨។
"យោធាចិន មានសមត្ថភាព និងការប្ដេជ្ញាចិត្តដើម្បីបង្ក្រាបរាល់សកម្មភាពទាំងអស់ ដែលប៉ុនប៉ងផ្ដាច់ខ្លួនចេញពីការគ្រប់គ្រងរបស់ចិន។ រដ្ឋាភិបាលចិន នឹងប្រើប្រាស់គ្រប់មធ្យោបាយទាំងអស់ដើម្បីការពារឲ្យបាននូវអធិបតេយ្យភាព សន្តិសុខ និងបូរណភាពទឹកដី។" នេះបើតាមការសង្កត់ធ្ងន់របស់លោក Wu Qian នៅចុងបញ្ចប់នៃសេចក្តីថ្លែងការណ៍៕