អង់គ្លេសត្រៀមបញ្ជូននាវាចម្បាំងថ្មី១គ្រឿង ទៅអនុវត្តទណ្ឌកម្មលើកូរ៉េខាងជើង
- 2018-04-11 04:24:17
- ចំនួនមតិ 0 | ចំនួនចែករំលែក 0
អង់គ្លេសត្រៀមបញ្ជូននាវាចម្បាំងថ្មី១គ្រឿង ទៅអនុវត្តទណ្ឌកម្មលើកូរ៉េខាងជើង
ចន្លោះមិនឃើញ
នាវាចម្បាំងទី៣របស់អង់គ្លេស នឹងត្រូវបញ្ជូនទៅកាន់តំបន់អាស៊ី-ប៉ាស៊ីហ្វិក ដើម្បីពង្រឹងបន្ថែមនូវការអនុវត្តទណ្ឌកម្មទៅលើប្រទេសកូរ៉េខាងជើង។
គម្រោងនេះ នឹងធ្វើឡើងនៅចុងឆ្នាំ២០១៨ ហើយនាវាដែលនឹងត្រូវបញ្ជូនទៅមានឈ្មោះថា HMS Albion។ នាវាចម្បាំង២គ្រឿងលើកមុន មានឈ្មោះ HMS Sutherland និង HMS Argyll។
HMS Albion នឹងចូលរួមសហការគ្នាជាមួយប្រទេសអូស្ត្រាលី ម៉ាឡេស៊ី នូវែលហ្សេឡង់ និងសិង្ហបុរី ក្នុងគោលបំណងពង្រឹងទណ្ឌកម្មរបស់អង្គការសហប្រជាជាតិ ដើម្បីទប់ស្កាត់ការដឹកទំនិញតាមកប៉ាល់ខុសច្បាប់ទៅកាន់ក្រុងព្យុងយ៉ាង។
នាអំឡុងពេល២-៣ខែកន្លងមកនេះ កប៉ាល់ចិនប្រមាណ ៥-៦គ្រឿង ត្រូវបានឃាត់ទុក ដោយសារតែលួចដឹកប្រេងយ៉ាងសម្ងាត់ទៅឲ្យកប៉ាល់កូរ៉េខាងជើង នៅក្នុងតំបន់ដែនសមុទ្រអន្តរជាតិ៕