លោក Duterte នឹងជិះយន្តហោះធូរថ្លៃ ទៅចូលរួមកិច្ចប្រជុំកំពូលអាស៊ាន នៅសិង្ហបុរី

2018-04-23 13:24:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីហ្វីលីពីន លោក Rodrigo Duterte នឹងធ្វើដំណើរតាមយន្តហោះឯកជន ៨កៅអី ដើម្បីទៅចូលរួមកិច្ចប្រជុំកំពូលអាស៊ានលើកទី៣២ នៅប្រទេសសិង្ហបុរី នាប៉ុន្មានថ្ងៃខាងមុខនេះ។ នេះបើតាមការបញ្ជាក់របស់លោក Harry Roque អ្នកនាំពាក្យប្រធានាធិបតី នៅថ្ងៃទី២៣ ខែមេសានេះ។

លោក Rodrigo Duterte លើកមេដៃថតក្នុងអំឡុងពេលជិះយន្តហោះ PR001 របស់ក្រុមហ៊ុនអាកាសចរណ៍ហ្វីលីពីន កាលពីខែមីនា ឆ្នាំ២០១៧។ រូបថត៖ Philstar

ការជិះយន្តហោះធុនតូចនេះ គឺដោយសារលោក Duterte ចង់សន្សំលុយឲ្យប្រទេសបានច្រើនជាងជិះយន្តហោះធុនធំ PR001 របស់ក្រុមហ៊ុនអាកាសចរណ៍ហ្វីលីពីន។ ហើយលោកក៏ចង់ដឹកនាំគណៈប្រតិភូ១ក្រុមតូចប៉ុណ្ណោះ ដើម្បីអមដំណើរទៅជាមួយលោក។ ការធ្វើដំណើរនេះ គឺចំណាយពេលតែ២ម៉ោងប៉ុណ្ណោះចេញពីក្រុង Davao ទៅសិង្ហបុរី។

ការសន្សំសំចៃបែបនេះ គឺក្រោយពេលមានការរិះគន់ពីតំណាងរាស្រ្តបក្សប្រឆាំង លោក Gary Alejano ទៅលើគណៈប្រតិភូដែលមានចំនួនដ៏ច្រើនរបស់លោក Duterte ក្នុងអំឡុងទស្សនកិច្ចនៅហុងកុង កាលពីដើមខែមេសានេះ។

សូមបញ្ជាក់ថា លោក Duterte នឹងចូលរួមកិច្ចប្រជុំកំពូលអាស៊ាននៅប្រទេសសិង្ហបុរី ពីថ្ងៃទី២៧ ដល់ ២៨ ខែមេសា ឆ្នាំ២០១៨៕

ប្រភព៖ Philstar ប្រែសម្រួល៖ សំភី