ស្ថានភាពជំងឺគ្រូតា Man Utd យ៉ាងណាហើយ?

2018-05-08 02:52:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Sir Alex Ferguson អតីតអ្នកចាត់ការក្លឹបបិសាចក្រហម Manchester United បានដឹងខ្លួន និងអាចនិយាយបានវិញ ក្រោយទទួលការវះកាត់ ដោយសារបញ្ហាឈាមកកក្នុងខួរក្បាល។ នេះបើតាមប្រភពជិតស្និតជាមួយលោក ប្រាប់ដល់ភ្នាក់ងារសារព័ត៌មានThe Sun កាលពីពេលថ្មីៗនេះ។

ទោះជាយ៉ាងណា ក្រុមគ្រួសារ និងក្លឹប Man Utd មិនទាន់ធ្វើការប្រកាសជាផ្លូវការអំពីស្ថានភាពរបស់លោក Sir Alex ដែលមានវ័យ៧៦ឆ្នាំ នៅឡើយទេ។

Sir Alex ជួយឲ្យ Man Utd ឈ្នះពានរង្វាន់ EPL ចំនួន ១៣លើក (រូបថត៖ Stu Forster)

លោក Sir Alex Ferguson កំពុងសម្រាកព្យាបាលនៅមន្ទីរពេទ្យ Salford Royal ក្នុងក្រុង Salford ប្រទេសអង់គ្លេស ដោយទទួលការវះកាត់ខួរក្បាល និងមានការថែទាំយ៉ាងហ្មត់ចត់។ ក្រុមគ្រួសាររបស់លោក បានស្នើសុំមិនបញ្ចេញស្ថានភាពជំងឺរបស់លោកជាសាធារណៈឡើយ ដោយសុំជាភាពឯកជន។

ចំណែកសមាជិកក្រុមបិសាចក្រហម បានសន្យាថា ពួកគេនឹងដណ្ដើមពានរង្វាន់ FA Cup រដូវកាលនេះ សម្រាប់ Sir Alex ដើម្បីឲ្យគាត់បានទស្សនាពួកគេលើកពានក្នុងកញ្ចក់ទូរទស្សន៍។ គួរបញ្ជាក់ថា Man Utd នឹងប៉ះ Chelsea នៅវគ្គផ្តាច់ព្រ័ត្រ FA Cup នាថ្ងៃទី១៩ ខែឧសភា ឆ្នាំ២០១៨៕

ប្រភព៖ The Sun ប្រែសម្រួល៖ លាភ.