សម្តេច ហ៊ុន សែន ប្រកាសថា ចំនួនអ្នក Like ហ្វេសប៊ុកសម្តេច ឡើងដល់ ១០លាននាក់ហើយ

2018-05-20 14:33:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នាយប់ថ្ងៃទី២០ ខែឧសភា ឆ្នាំ២០១៨នេះ សម្តេចនាយករដ្ឋមន្រ្តី ហ៊ុន សែន បានប្រកាសថា ទំព័រហ្វេសប៊ុកផ្លូវការរបស់សម្តេច "Samdech Hun Sen, Cambodian Prime Minister" មានចំនួនអ្នកគាំទ្រចូលចិត្ត (Like) និងតាមដាន ដល់ ១០លាននាក់ហើយ។

សម្តេច ហ៊ុន សែន ថ្លែងនាពេលកន្លងមក

សម្តេច ហ៊ុន សែន បានលើកឡើងថា តាមរយៈបណ្តាញសង្គមហ្វេសប៊ុក សម្តេចមានទំនាក់ទំនងកាន់តែជិតស្និទ្ធិ និងកក់ក្ដៅបំផុតជាមួយមន្រ្តីរាជការ កងកម្លាំងប្រដាប់អាវុធ ប្រជាពលរដ្ន យុវជន ព្រមទាំងកម្មករ និងកម្មការិនីទូទាំងប្រទេស។

ទន្ទឹមនឹងនេះ តាមរយៈហ្វេសប៊ុក គឺសម្តេច បានដឹងពីសុខទុក្ខប្រជាពលរដ្ឋ និងបានទទួលនូវសំណូមពរផ្សេងៗ ហើយក៏បានដោះស្រាយនូវបញ្ហាមួយចំនួនធំនាពេលកន្លងមក ប្រកបដោយជោគជ័យទៀតផង។

សម្តេចនាយករដ្ឋមន្រ្តី បានអំពាវនាវឱ្យប្រជាពលរដ្ឋ ជាពិសេសយុវជន ត្រូវប្រើប្រាស់បណ្តាញសង្គមនេះ ឱ្យមានប្រយោជន៍ដល់ខ្លួនឯងផង និងដល់សង្គមផង ជាមួយនឹងការទទូលខុសត្រូវខ្ពស់៕

អត្ថបទ៖ សំភី