ចិនបង្ហោះផ្កាយរណបថ្មី ដើម្បីស្វែងយល់ពីផ្នែកងងឹតនៃព្រះចន្ទ

2018-05-21 01:21:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅព្រឹកថ្ងៃចន្ទទី២១ ខែឧសភា ឆ្នាំ២០១៨ នេះ ចិនបានបាញ់ផ្កាយរណបថ្មីមួយទៀត ដើម្បីផ្លាស់ប្ដូរវេនគ្នាជាមួយផ្កាយរណបចាស់ ក្នុងការស្វែងយល់ពីទំនាក់ទំនងរវាងផែនដី និងព្រះចន្ទ។ បេសកកម្មថ្មីនេះនឹងផ្ដោតសំខាន់លើការស៊ើបអង្កេតផ្នែកងងឹតនៃព្រះចន្ទ។

រ៉ុកកែត Long March-4C ដែលផ្ទុកផ្កាយរណប Queqiao/ រូបភាព៖ Xinhua

បើតាមការចុះផ្សាយរបស់សារព័ត៌មាន Xinhua បានឲ្យដឹងថា ផ្កាយរណបថ្មីនេះមានឈ្មោះថា Queqiao ត្រូវបានបង្ហោះចេញពីមជ្ឈមណ្ឌល Xichang ដែលស្ថិតនៅភាគនិរតីប្រទេស នាវេលាម៉ោង ៥ និង២៨នាទីព្រឹក។ ផ្កាយរណប Queqiao នឹងហោះចូលគន្លងព្រះចន្ទ ដែលមានរយៈចម្ងាយពីផែនដីប្រមាណជាង ៤៥ម៉ឺនគីឡូម៉ែត្រ តាមរយៈគ្រាប់រ៉ុកកែត Long March-4C ហើយវានឹងក្លាយជាផ្កាយរណបដំបូងគេបង្អស់ដែលរត់ទៅដល់ទីនោះ។

ចិនមានគម្រោងប្រកួតប្រជែងជាមួយរុស្ស៊ី និងអាមេរិក ដើម្បីប្រែមុខមាត់ទៅជាមហាអំណាចអវកាសនៅត្រឹមឆ្នាំ២០៣០ខាងមុខ។ នៅឆ្នាំ២០១៩ ចិនគ្រោងនឹងសាងសង់ស្ថានីយអវកាសមួយដែលអាចផ្ទុកមនុស្សបាន៕

ប្រភព៖ Reuters ប្រែសម្រួល៖ ឈាង.