អ៊ីស្រាអែលក្លាយជាប្រទេសដំបូងគេ ដែលវាយប្រហារពីដែនអាកាសដោយប្រើយន្តហោះចម្បាំង F-35

2018-05-22 09:30:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកឧត្តមសេនីយ៍ Amikam Norkin មេបញ្ជាការកងទ័ពអាកាសអ៊ីស្រាអែល បានបញ្ជាក់ថា អ៊ីស្រាអែលបានក្លាយជាប្រទេសដំបូងគេ ក្នុងពិភពលោក ដែលបានបើកការវាយពីដែនអាកាសដោយប្រើយន្តហោះចម្បាំងដ៏ទំនើបចុងក្រោយរបស់អាមេរិក F-35។

យន្តហោះចម្បាំង F-35 ដែលផលិតដោយក្រុមហ៊ុន Lockheed Martin Corp របស់អាមេរិក

ការបញ្ជាក់របស់មេបញ្ជាការកងទ័ពអ៊ីស្រាអែលរូបនេះ បានធ្វើឡើងនៅសន្និសីទមួយ នៅក្រុង Herzilya របស់អ៊ីស្រាអែល នៅថ្ងៃទី២២ ខែឧសភា ២០១៨នេះ ដោយមានការបង្ហាញរូបភាពយន្តហោះចម្បាំង F-35 ហោះលើរដ្ឋធានី Beirut របស់លីបង់ផងដែរ។

មេទ័ពអ៊ីស្រាអែលថា "យើងបានប្រើយន្តហោះចម្បាំង F-35 នៅតំបន់មជ្ឈិមបូព៌ា និងបានវាយប្រហារ ២លើកមកហើយ លើទីតាំង ២ផ្សេងគ្នា"។ ជាមួយគ្នានេះ លោកបានបញ្ជាក់ទៀតថា ក្រោយការវាយប្រហារពីយន្តហោះចម្បាំង F-35 មានមីស៊ីលជាង ១០០គ្រាប់ ត្រូវបានបាញ់សំដៅមកយន្តហោះចម្បាំង F-35 ប៉ុន្ដែពុំបានធ្វើឲ្យខូចខាតដល់យន្តហោះចម្បាំងរបស់អ៊ីស្រាអែលនោះទេ។

សូមបញ្ជាក់ថា ប្រទេសអ៊ីស្រាអែល កាលពីខែធ្នូ ឆ្នាំ២០១៦ បានទទួលយន្តហោះចម្បាំង F-35 ចំនួន ២គ្រឿង ពីក្រុមហ៊ុនផលិតយន្ដហោះរបស់អាមេរិក Lockheed Martin Corp ក្រោយអ៊ីស្រាអែលបានបញ្ជាយន្តហោះចម្បាំងប្រភេទនេះ ចំនួន ៥០គ្រឿង៕