ប្រទេសមហាអំណាចយោធា២ ប្រកាសលូកដៃចូលសមុទ្រចិនខាងត្បូង ប្រឆាំងនឹងក្រុងប៉េកាំង

2018-06-04 03:19:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសបារាំង និងចក្រភពអង់គ្លេស បានប្រកាសថា នឹងចល័តនាវាចម្បាំងរបស់ពួកគេចូលក្នុងតំបន់ជម្លោះ ក្នុងសមុទ្រចិនខាងត្បូង ដើម្បីប្រឆាំងនឹងក្រុងប៉េកាំង ដែលបានពង្រីកវត្តមានយោធារបស់ខ្លួននៅក្នុងតំបន់នោះ។ ការប្រកាសនេះ បានធ្វើឡើងដោយរដ្ឋមន្រ្តីការពារជាតិរបស់ប្រទេសមហាអំណាចយោធាទាំងពីរ ក្នុងកិច្ចប្រជុំ Shangri-La នៅប្រទេសសិង្ហបុរី នាថ្ងៃទី៣ ខែមិថុនា ២០១៨ ម្សិលមិញ។

លោក Jim Mattis រដ្ឋមន្រ្តីការពារជាតិអាមេរិក ថ្លែងក្នុងកិច្ចប្រជុំ Shangri-La នៅប្រទេសសិង្ហបុរី

លោកស្រី Florence Parly រដ្ឋមន្ត្រីការពារជាតិបារាំងបានលើកឡើងថា បារាំងនឹងបញ្ជូននាវាចម្បាំងរបស់ខ្លួន ចូលក្នុងតំបន់ជម្លោះក្នុងដែនសមុទ្រចិនខាងត្បូង ដែលត្រូវបានចិនអះអាងថាជាដែនទឹករបស់ខ្លួន។ លោកស្រីថា បារាំងមិនមែនជាភាគីក្នុងជម្លោះសមុទ្រចិនខាងត្បូងនោះទេ ប៉ុន្ដែសកម្មភាពនេះ គឺដើម្បីរួមចំណែករក្សាសណ្ដាប់ធ្នាប់ដោយយោងតាមច្បាប់។

លោកស្រី Florence Parly រដ្ឋមន្ត្រីការពារជាតិបារាំង (រូបភាព៖ Reuters)

ចំណែកលោក Gavin Williamson រដ្ឋមន្ត្រីការពារជាតិអង់គ្លេសបានបញ្ជាក់ថា អង់គ្លេសនឹងបញ្ជូននាវាចម្បាំង ៣គ្រឿង ចូលក្នុងតំបន់សមុទ្រចិនខាងត្បូង នៅឆ្នាំ២០១៨នេះ ដើម្បីរក្សាសណ្ដាប់ធ្នាប់ដោយយោងតាមច្បាប់ ដែលមានជាយូរមកហើយ។

លោក Gavin Williamson រដ្ឋមន្ត្រីការពារជាតិអង់គ្លេស (រូបភាព៖ Reuters)

ការប្រកាសរបស់ប្រទេសមហាអំណាចយោធា និងជាប្រទេសសមាជិកអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិទាំងពីរ គឺក្រោយរដ្ឋមន្រ្តីក្រសួងការពារជាតិអាមេរិក លោក Jim Mattis កាលពីថ្ងៃសៅរ៍ សប្ដាហ៍មុន បានព្រមានថា ការពង្រីកអនុត្តរភាពយោធារបស់ក្រុងប៉េកាំងនៅសមុទ្រចិនខាងត្បូង គឺប្រឈមនឹងផលវិបាកកាន់តែធំឡើង៕

ប្រភព៖ South China Morning Post ប្រែសម្រួល៖ វាសនា