អ្នកនាំពាក្យប្រធានាធិបតី និយាយពីការថើបរបស់លោក Duterte

2018-06-06 04:23:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Harry Roque អ្នកនាំពាក្យប្រធានាធិបតីហ្វីលីពីន បានលើកឡើងថា ការថើបមាត់រវាងលោក Rodrigo Duterte ជាមួយពលករនារីម្នាក់នៅលើឆាកនៅក្រុងសេអ៊ូលកាលពីពេលថ្មីៗនេះ គឺជាការបង្ហាញពីក្ដីស្រឡាញ់ ចំពោះពលករហ្វីលីពីនតែប៉ុណ្ណោះ។

អ្នកនាំពាក្យដដែលបន្តថា សកម្មភាពរបស់លោក Duterte គឺអាចទទួលយកបានសម្រាប់វប្បធម៌របស់ហ្វីលីពីន ហើយវាជាសកម្មភាពដែលធ្វើឲ្យលោកប្រធានាធិបតីមានប្រជាប្រិយភាព។

លោក Harry Roque អ្នកនាំពាក្យប្រធានាធិបតីហ្វីលីពីន ប្រាប់ទៅកាន់អ្នកសារព័ត៌មាន (រូបថត៖ Presidential Photos)

ការថើបមាត់ខាងលើ ទទួលការគាំទ្រពីពលករដទៃទៀត ដែលចូលរួមក្នុងពិធីសំណេះសំណាល របស់លោក Duterte កាលពីថ្ងៃអាទិត្យ ប៉ុន្តែត្រូវបានរិះគន់ដោយអង្គការដើម្បីស្ត្រី Gabriela ថាជាទង្វើគួរឲ្យស្អប់ខ្ពើមរបស់ប្រធានាធិបតី ដែលមិនចេះគោរពតម្លៃស្ត្រី៕

អត្ថបទពាក់ព័ន្ធ វីដេអូលោក Duterte ថើបមាត់ពលករម្នាក់ បង្កឲ្យមានការរិះគន់

ប្រភព៖ CNN ប្រែសម្រួល៖ លាភ.