យីងឡាក់ បំបែកភាពស្ងប់ស្ងាត់ ក្រោយរត់ចេញពីប្រទេសអស់ជាច្រើនខែ

2018-06-22 01:44:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រោយចាកចេញពីប្រទេសកាលពីឆ្នាំ២០១៧កន្លងទៅ លោកស្រី យីងឡាក់ អតីតនាយករដ្ឋមន្ត្រីថៃ មិនដែលបង្ហាញសកម្មភាពអ្វីឡើយជាសាធារណៈ គឺទើបតែម្សិលមិញ (ថ្ងៃទី២១មិថុនា) លោកស្រីបានបង្ហោះសារមួយនៅលើគណនីបណ្ដាញសង្គមជាលើកដំបូង។

ការបង្ហោះសារនេះ ធ្វើឡើងនៅចំថ្ងៃកំណើតគម្រប់ខួប ៥១ឆ្នាំរបស់លោកស្រី យីងឡាក់។ នៅលើទំព័រហ្វេសប៊ុកផ្លូវការ អតីតនាយករដ្ឋមន្ត្រីថៃរូបនេះ បានសរសេរថា៖ "នេះគឺជាថ្ងៃកំណើតដំបូងរបស់ខ្ញុំដែលប្រារព្ធធ្វើឡើងនៅបរទេស។ ខ្ញុំចង់អរគុណប្រជាពលរដ្ឋថៃទាំងអស់ ដែលតែងតែយកចិត្តទុកដាក់នឹងខ្ញុំដដែល"។ ក្រៅពីសារនេះ លោកស្រីក៏បានបង្ហោះរូបភាពមួយចំនួននៅលើគណនី Twitter និង Instagram ផ្លូវការរបស់លោកស្រីផងដែរ។

គួរបញ្ជាក់ថា លោកស្រី យីងឡាក់ បានបាត់ខ្លួនពីប្រទេសថៃ ចាប់តាំងពីខែសីហា ឆ្នាំ២០១៧មកម៉្លេះ ដោយខកខានមិនបានចូលរួមស្ដាប់ការប្រកាសសាលដីការបស់តុលាការកំពូលថៃ។ លោកស្រី ត្រូវតុលាការចោទប្រកាន់ពាក់ព័ន្ធនឹងរឿងមិនប្រក្រតីក្នុងការទិញស្រូវមកស្ដុកទុក ដែលធ្វើឲ្យខាតបង់ថវិការដ្ឋយ៉ាងហោចណាស់ ៨ពាន់លានដុល្លារ៕

ប្រភព៖ Reuters ប្រែសម្រួល៖ ឈាង.