បាល់ប៉េណាល់ទីរបស់ Ronaldo យប់មិញ បំបែកកំណត់ត្រា World Cup
- 2018-06-26 02:39:30
- ចំនួនមតិ 0 | ចំនួនចែករំលែក 0
បាល់ប៉េណាល់ទីរបស់ Ronaldo យប់មិញ បំបែកកំណត់ត្រា World Cup
ចន្លោះមិនឃើញ
ក្នុងការប្រកួតរវាងព័រទុយហ្គាល់ ទល់នឹង អ៊ីរ៉ង់កាលពីយប់មិញដែលស្មើគ្នា១-១ ខ្សែប្រយុទ្ធ Cristiano Ronaldo មានឱកាសក្នុងការស៊ុតបាល់ប៉េណាល់ទី ១លើកក្នុងនាទី៥៣ តែការស៊ុតត្រូវបានជួយសង្គ្រោះដោយអ្នកចាំទីអ៊ីរ៉ង់។ បាល់ប៉េណាល់ទីនេះ ជាគ្រាប់បាល់ប៉េណាល់ទីលើកទី១៩ ច្រើនបំផុតក្នុងប្រវត្តិ World Cup ដែលមិនធ្លាប់មានកន្លងមក។ យ៉ាងណាមិញ អ៊ីរ៉ង់ ក៏ទទួលបានបាល់ប៉េណាល់ទីចុងម៉ោង១ផងដែរ ដូច្នេះវាជាបាល់ប៉េណាល់ទីលើកទី២០។
ក្នុងចំណោមបាល់ប៉េណាល់ទីទាំងអស់ នៅក្នុងព្រឹត្តិការណ៍ World Cup 2018 មាន ១៤គ្រាប់ត្រូវបានទាត់បញ្ចូលទីបានសម្រេច ខណៈ ៥គ្រាប់ទៀត ត្រូវបានជួយសង្គ្រោះពីអ្នកចាំទី ឬស៊ុតខុសទី។
ជាមួយគ្នានេះ ការសម្រេចផ្ដល់បាល់ប៉េណាល់ទី ៨លើក បានមកពីប្រព័ន្ធជំនួយការអាជ្ញាកណ្ដាល VAR ដែលទើបតែបំពាក់នៅក្នុង World Cup 2018 ប៉ុណ្ណោះ។
សូមបញ្ជាក់ថា មកទល់ពេលនេះ World Cup នៅរុស្ស៊ី ដំណើរការបានជាងពាក់កណ្ដាលផ្លូវហើយ ឯការប្រកួតនៅសល់ ២៨ប្រកួតទៀត។ គេរំពឹងថា តួលេខនៃការផ្ដល់គ្រាប់បាល់ប៉េណាល់ទីក្នុងព្រឹត្តិការណ៍នេះ នឹងអាចកើនឡើងទ្វេដង បើធៀបនឹងកំណត់ត្រាចាស់៕
ចុចអានបន្ត World Cup៖ ព័រទុយហ្គាល់ ឆ្លងផុតពូលទាំងព្រលឹងចុងសក់ ក្រោយត្រូវអ៊ីរ៉ង់ តាមស្មើចុងម៉ោង