Ronaldo ចាកចេញពី Real Madrid ទៅ Juventus ជាផ្លូវការហើយ!

2018-07-10 16:14:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Cristiano Ronaldo បានចាកចេញពីក្លឹបអេស្ប៉ាញ Real Madrid ទៅក្លឹបជើងឯកអ៊ីតាលី Juventus ជាផ្លូវការហើយ នាយប់ថ្ងៃទី១០ ខែកក្កដានេះ។ នេះបើយោងតាមការប្រកាសរបស់ក្លឹប Real Madrid។

បើតាម BBC បានឲ្យដឹងថា ម្ចាស់ពាន Ballon d'Or ៥សម័យរូបនេះ បានចុះកិច្ចសន្យារយៈពេល ៤ឆ្នាំនៅក្លឹបយក្សអ៊ីតាលី ដោយទទួលបានប្រាក់កម្លាំងពលកម្ម ៥០ម៉ឺនផោន ឬ ជាង ៦៦ម៉ឺនដុល្លារ ក្នុងមួយសប្ដាហ៍។ ចំណែកឯតម្លៃនៃការផ្ទេរ គឺ ១០៥លានផោន ឬប្រមាណ ១៤០លានដុល្លារ។

Ronaldo ក្រោយឈ្នះពាន Champions League នៅ Real Madrid ឆ្នាំ២០១៨ នេះ (រូបភាព Reuters)

Real Madrid បានសរសេរក្នុងសេចក្ដីថ្លែងការណ៍របស់ខ្លួនថា Ronaldo នឹងនៅតែជានិមិត្តរូបមួយរូបក្នុងចំណោមនិមិត្តរូបរបស់ក្លឹប ជារៀងរហូតតទៅ។

សូមបញ្ជាក់ថា Ronaldo បានផ្លាស់ពីក្លឹបអង់គ្លេស Manchester United ទៅកាន់ Real Madrid កាលពីឆ្នាំ២០០៩ ក្នុងតម្លៃជាង ១០០លានដុល្លារ។ រយៈពេលជិត ១០ឆ្នាំនៅអេស្ប៉ាញ CR7 ស៊ុតបញ្ចូលទីបាន ៤៥១គ្រាប់ ក្នុងការបង្ហាញខ្លួន ៤៣៨ប្រកួត ពោលគឺកីឡាករវ័យ ៣៣ឆ្នាំរូបនេះ ជាម្ចាស់កំណត់ត្រា "អ្នកស៊ុតបញ្ចូលទីច្រើនគ្រាប់បំផុត ក្នុងប្រវត្តិសាស្រ្ដក្លឹប Real Madrid"៕

អត្ថបទ៖ សុខ សុវត្ថិ