លោក ត្រាំ ថា លោកនិយាយខុសលើបញ្ហាការលូកលាន់ការបោះឆ្នោតពីរុស្ស៊ី
- 2018-07-17 23:27:54
- ចំនួនមតិ 0 | ចំនួនចែករំលែក 0
លោក ត្រាំ ថា លោកនិយាយខុសលើបញ្ហាការលូកលាន់ការបោះឆ្នោតពីរុស្ស៊ី
ចន្លោះមិនឃើញ
លោក ដូណាល់ ត្រាំ ប្រធានាធិបតីអាមេរិក កាលពីថ្ងៃទី១៧ ខែកក្កដា ២០១៨ ម្សិលមិញ បានបញ្ជាក់ថា លោកបាននិយាយខុសចំពោះការទទួលស្គាល់ការបដិសេធលូកលាន់ការបោះឆ្នោតពីសំណាក់មេដឹកនាំរុស្ស៊ី។ ការបញ្ជាក់របស់លោក ត្រាំ គឺក្រោយរូបលោក និងលោក វ្លាឌីមៀ ពូទីន បានជួបចរចាក្នុងជំនួបកំពូល នៅក្រុង Helsinki ប្រទេសហ្វាងឡង់ កាលពីថ្ងៃទី១៦ ខែកក្កដា ២០១៨។
នៅក្នុងសន្និសីទកាសែតរួមគ្នាជាមួយលោក ពូទីន លោក ត្រាំ បានដឹងថា មេចារកម្មរបស់លោកជឿជាក់រុស្ស៊ីបាន Hack និងធ្វើឲ្យបែកធ្លាយឯកសារ e-mail ជាច្រើនក្នុងការប្រកួតប្រជែងការបោះឆ្នោតឆ្នាំ២០១៦ ជាមួយលោកស្រី Clinton។
ប៉ុន្ដែក្នុងសន្និសីទ លោក ត្រាំ ថា លោកបានឈ្នះដោយការប្រកួតប្រជែងត្រឹមត្រូវ "ខ្ញុំមានប្រធានាធិបតី ពូទីន គាត់ទើបនិយាយថា វាមិនមែនរុស្ស៊ីទេ។ ខ្ញុំនឹងនិយាយថា ខ្ញុំមិនឃើញមូលហេតុណាមួយ ហេតុអ្វីវាគួរតែជា [រុស្ស៊ី]"។ មួយថ្ងៃក្រោយមក លោក ត្រាំ ថា វាមានការចាំបាច់សម្រាប់ការបកស្រាយឲ្យច្បាស់លាស់។
លោកថា ប្រយោគ "… ខ្ញុំមិនឃើញមូលហេតុណាមួយ ហេតុអ្វីវាគួរតែ [រុស្ស៊ី]” គួរតែជាប្រយោគ "ខ្ញុំមិនឃើញមូលហេតុណាមួយ ហេតុអ្វីវាមិនគួរតែជា [រុស្ស៊ី]"។ ជាមួយគ្នានេះ លោក ត្រាំ ថា លោកជឿជាក់ និងគាំទ្រដល់ភ្នាក់ងារចារកម្មដ៏អស្ចារ្យរបស់អាមេរិក។
សូមបញ្ជាក់ថា ក្រោយជំនួបកំពូលរបស់លោក ត្រាំ និងលោក ពូទីន កាលពីថ្ងៃទី១៦ ខែកក្កដា ២០១៨ សារព័ត៌មានជាច្រើនបានចុះផ្សាយថា លោក ត្រាំ គាំទ្រការបដិសេធលូកលាន់កិច្ចការបោះឆ្នោតអាមេរិកពីលោក ពូទីន ដោយប្រឆាំងនឹងភ្នាក់ងារចារកម្មអាមេរិក៕