រុស្ស៊ី ជោគជ័យក្នុងការធ្វើតេស្តមីស៊ីលមួយប្រភេទ ដែលអាមេរិក មិនអាចទប់ទល់បាន
- 2018-07-19 08:20:34
- ចំនួនមតិ 0 | ចំនួនចែករំលែក 0
រុស្ស៊ី ជោគជ័យក្នុងការធ្វើតេស្តមីស៊ីលមួយប្រភេទ ដែលអាមេរិក មិនអាចទប់ទល់បាន
ចន្លោះមិនឃើញ
រុស្ស៊ីបានធ្វើតេស្តមីស៊ីលដែលមានឈ្មោះថា "Kinzhal" នេះ ចំនួន១២ដង នៅលើយន្តហោះចម្បាំង MiG-31។ ការសាកល្បងចុងក្រោយ ត្រូវបានធ្វើឡើងដោយជោគជ័យកាលពីដើមខែកក្កដានេះ ដោយអាចបាញ់ត្រូវគោលដៅក្នុងចម្ងាយ ៨០០គីឡូម៉ែត្រ។ នេះបើតាមការចុះផ្សាយរបស់ CNBC កាលពីចុងសប្តាហ៍កន្លងទៅ។
អាវុធនេះ ត្រូវបានប្រើប្រាស់សម្រាប់ប្រឆាំងនឹងនាវាផ្ទុកយន្តហោះ នាវាពិឃាដ និងនាវាសង្គ្រាមផ្សេងៗទៀតផងដែរ។
យោងតាមប្រភពព័ត៌មានពីក្រសួងការពារជាតិរុស្ស៊ី មីស៊ីល Kinzhal គឺអាចត្រូវបានបាញ់ឆ្ងាយជាង ប្រព័ន្ធការពារមីស៊ីលទាំងអស់នាពេលបច្ចុប្បន្ននេះ ពោលគឺអាចបាញ់ដល់ចម្ងាយ ២ពាន់គីឡូម៉ែត្រឯណោះ ជាមួយល្បឿនលឿនជាងសំឡេង ១,២ម៉ឺនគីឡូម៉ែត្រក្នុងមួយម៉ោង។
មីស៊ីល Kinzhal ក៏អាចត្រូវបានប្រើប្រាស់នៅលើយន្តហោះទម្លាក់គ្រាប់បែកយុទ្ធសាស្រ្ត Tu-22M3 ឬយន្តហោះ MIG-31BM ផងដែរ។ មីស៊ីលនេះត្រូវបានដាក់ឱ្យប្រើប្រាស់ក្នុងជួរទ័ពរុស្ស៊ី កាលពីខែធ្នូ ឆ្នាំ២០១៧ ហើយត្រូវបានបញ្ចេញដោយប្រធានាធិបតីរុស្ស៊ី លោក វ្លាឌីមៀ ពូទីន កាលពីថ្ងៃទី១ ខែមីនា ឆ្នាំ២០១៨កន្លងទៅ៕