នាយករដ្ឋមន្រ្តីចិន ទាមទារពន្យល់ឲ្យច្បាស់ពីបញ្ហាវ៉ាក់សាំង "ជំងឺឆ្កែឆ្កួត"

2018-07-23 08:29:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក លី ឃឺឈាង នាយករដ្ឋមន្រ្តីចិន បានស្នើឲ្យមានការស៊ើបអង្កេតជាបន្ទាន់លើបញ្ហាវ៉ាក់សាំង "ជំងឺឆ្កែឆ្គួត" និងទាមទារឲ្យឲ្យដាក់ទណ្ឌកម្មធ្ងន់ធ្ងរលើក្រុមហ៊ុន និងបុគ្គល ដែលពាក់ព័ន្ធ។ លោក លី បានទាមទារឲ្យមានការពន្យល់ច្បាស់លាស់លើករណីនេះដល់សាធារណៈជន។

លោក លី ឃឺឈាង នាយករដ្ឋមន្រ្តីចិន អំឡុងពេលលោកចូលរួមកិច្ចប្រជុំមួយនៅភ្នំពេញ កាលពីដើមឆ្នាំ២០១៨

លោក លី ថា "យើងនឹងបង្រ្កាបយ៉ាងធ្ងន់ធ្ងរលើសកម្មភាពឧក្រឹដ្ឋ និងខុសច្បាប់នានា ដែលធ្វើឲ្យប៉ះពាល់ដល់សុវត្ថិភាពនៃជីវិតមនុស្ស ដាក់ទណ្ឌកម្មយ៉ាងធ្ងន់ធ្ងរលើអ្នករំលោភច្បាប់ ដោយយោងតាមច្បាប់ និងធ្វើការរិះគន់យ៉ាងខ្លាំងលើអ្នកមានកាតព្វកិច្ចក្នុងការត្រួតពិនិត្យ"។

ការព្រមានរបស់ប្រមុខរដ្ឋាភិបាលចិន បានធ្វើឡើងក្រោយបុគ្គលិកក្រុមហ៊ុន Changchun Changsheng Life Sciences ដែលជាក្រុមហ៊ុនធំលំដាប់ទី២ ក្នុងប្រទេសចិនផលិតវ៉ាក់សាំងជំងឺឆ្កែឆ្គួតបានអះអាងថា ក្រុមហ៊ុនបានក្លែងបន្លំទិន្នន័យ និងរំលោភលើស្ដង់ដារក្នុងការផលិតវ៉ាក់សាំងជំងឺឆ្កែឆ្គួត Vero-cell។

ចំណែកក្រុមហ៊ុន Changchun Changsheng កាលពីចុងសប្ដាហ៍មុន បានធ្វើការសុំទោសជាសាធារណៈ និងប្រកាសយកត្រឡប់មកវិញនូវវ៉ាក់សាំងដែលបានលក់ចេញ ក្នុងទំហំទឹកប្រាក់ប្រមាណ ៣០លានដុល្លារ។

វ៉ាក់សាំង "ជំងឺឆ្កែឆ្គួត" របស់ក្រុមហ៊ុន Changchun Changsheng Life Sciences

លោកនាយករដ្ឋមន្រ្តីចិនបញ្ជាក់ថា ក្រុមប្រឹក្សារដ្ឋនឹងបញ្ជូនក្រុមត្រួតពិនិត្យ ដើម្បីទៅធ្វើការស៊ើបអង្កេតលើដំណើរការផលិត និងខ្សែសង្វាក់លក់គ្រប់វ៉ាក់សាំងទាំងអស់ ដែលកំពុងមានបញ្ហា៕

ប្រភព៖ CGTN ប្រែសម្រួល៖ វាសនា