សិស្សបារាំង នឹងមិនអាចយកស្មាតហ្វូនទៅសាលាទៀតឡើយ!

2018-08-02 04:48:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការបោះឆ្នោតនៅរដ្ឋសភាបារាំង ទទួលបានសំឡេង ៦២-១ ដោយសម្រេចហាមឃាត់ការប្រើប្រាស់ស្មាតហ្វូន និងថេបប្លេតនៅតាមសាលារៀន កាលពីថ្ងៃទី៣០ ខែកក្កដា ឆ្នាំ២០១៨កន្លងទៅ។

បារាំង ធ្លាប់មានច្បាប់ហាមមិនឲ្យសិស្សប្រើប្រាស់ស្មាតហ្វូន និងថេបប្លេត នៅអំឡុងម៉ោងរៀន ចាប់តាំងពីឆ្នាំ២០១០មកម៉្លេះ តែបម្រាមថ្មីនេះនឹងហាមឃាត់សូម្បីតែការយកឧបករណ៍ទាំងនោះទៅបរិវេណសាលារៀន ចំពោះសិស្សមានអាយុចាប់ពី ៣ឆ្នាំ ទៅដល់ ១៥ឆ្នាំ។ ចំណែកសិស្សដែលមានអាយុលើសពី ១៥ឆ្នាំ អាចប្រើប្រាស់ស្មាតហ្វូន និងថេបប្លេត លុះត្រាតែទទួលបានការអនុញ្ញាតពីសាលា នៅក្នុងន័យបម្រើការឲ្យគោលបំណងអប់រំណាមួយ ឬសម្រាប់សិស្សពិការ។

សូមបញ្ជាក់ថា ការធ្វើដូច្នេះគឺជាផ្នែកមួយនៃយុទ្ធនាការរបស់បារាំង ដើម្បីទប់ស្កាត់សិស្សសាលាមិនឲ្យញៀននឹងឧបករណ៍អេឡិចត្រូនិច។ បើតាមការស្រាវជ្រាវរបស់អ្នកជំនាញជាច្រើន បានឲ្យដឹងថា ការប្រើឧបករណ៍អេឡិចត្រូនិចច្រើន អាចបណ្ដាលឲ្យកើតមានជំងឺញៀននឹងអ៊ីនធឺណិត ជំងឺគេងមិនលក់ និងការគំរាមកំហែងនានា៕

ប្រភព៖ Mashable ប្រែសម្រួល៖ ឈាង.