គ.ជ.ប ប្រាប់ពីលក្ខខណ្ឌ ដែលនាំទៅដល់ការបោះឆ្នោតសាជាថ្មី

2018-08-03 04:41:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រសិនបើការប្តឹងទៅនឹងលទ្ធផលបោះឆ្នោតបឋម មានធាតុផ្សំនៃបណ្តឹងគ្រប់គ្រាន់ ធ្វើឱ្យគណៈកម្មាធិការជាតិរៀបចំការបោះឆ្នោត (គ.ជ.ប) ជឿជាក់បានថា ពិតជាមានភាពមិនប្រក្រតីកើតឡើងធ្ងន់ធ្ងរ ដែលប៉ះពាល់ទៅដល់លទ្ធផលនៃការបោះឆ្នោត នោះទើបនាំទៅដល់ការបោះឆ្នោតសារជាថ្មី។ នេះបើតាមការបញ្ជាក់របស់លោក សោម សូរីដា អគ្គលេខាធិការរង គ.ជ.ប ក្នុងបទសម្ភាសមួយជាមួយសារព័ត៌មានដើមអម្ពិល កាលពីថ្ងៃទី២ ខែសីហា ឆ្នាំ២០១៨។

លោក សោម សូរីដា ក្នុងកិច្ចប្រជុំ១របស់ គ.ជ.ប នាពេលកន្លងមក

លោកបន្តថា ប្រសិនបើពុំមានភស្តុតាង ទឡ្ហីករណ៍ ឬធាតុផ្សំគ្រប់គ្រាន់ដែលបង្ហាញពីកំហុសរបស់គណៈកម្មការរៀបចំការបោះឆ្នោតណាមួយ និងភាពមិនប្រក្រតីធ្ងន់ធ្ងរណាមួយ ធ្វើឱ្យប៉ះពាល់ដល់លទ្ធផលបោះឆ្នោតទេនោះ គ.ជ.ប នឹងសម្រេចអំពីការបដិសេធលទ្ធផលមួយផ្នែក ឬទាំងមូលនៃការបោះឆ្នោត ហើយដែលអាចនាំទៅដល់ការបោះឆ្នោតសារជាថ្មីផងដែរ។

មន្រ្តីជាន់ខ្ពស់ គ.ជ.ប រូបនេះ ក៏បានពន្យល់ដែរថា ចំពោះការមិនទទួលស្គាល់ របស់បរទេសមួយចំនួនដូចជា អាមេរិក សហភាពអឺរ៉ុប អង់គ្លេស ឬអាល្លឺម៉ង់ ដែលថាការបោះឆ្នោតមិនត្រឹមត្រូវ ហើយនាំទៅដល់ការបោះឆ្នោតសារជាថ្មីនោះ គឺជារឿងមិនអាចធ្វើទៅបានឡើយ ព្រោះផ្ទុយនឹងច្បាប់របស់ប្រទេស៕

ប្រភព៖ ដើមអម្ពិល ប្រែសម្រួល៖ សំភី