អង់គ្លេស នឹងជួយកម្ពុជា លើបញ្ហាចំនួន៤

2018-08-17 07:55:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកស្រី Tina Susan Redshaw ឯកអគ្គរាជទូតចក្រភពអង់គ្លេសប្រចាំនៅកម្ពុជា បានបញ្ជាក់ថា អង់គ្លេស នឹងផ្តោតការយកចិត្តទុកដាក់ជួយកម្ពុជាលើបញ្ហាចំនួន៤ រួមមាន បច្ចេកវិទ្យាដោះមីន ពាណិជ្ជកម្ម ការលើកកម្ពស់ស្ត្រី និងអប់រំ។ លោកស្រីបានថ្លែងដូច្នេះ ក្នុងជំនួបពិភាក្សាការងារជាមួយសម្តេច ហ៊ុន សែន នាព្រឹកថ្ងៃទី១៧ ខែសីហា ឆ្នាំ២០១៨ នៅវិមានសន្តិភាព។

ជាការឆ្លើយតប សម្ដេច ហ៊ុន សែន បានអរគុណដល់ចក្រភពអង់គ្លេស ដែលបានជួយដល់កម្ពុជា ជាពិសេសលើវិស័យអប់រំ ជួយបណ្ដុះបណ្ដាលធនធានមនុស្សដែលជាកត្តាសំខាន់របស់កម្ពុជា និងវិស័យដោះមីន។

លោកស្រី Tina Susan Redshaw ក្នុងជំនួបជាមួយសម្តេច ហ៊ុន សែន នាព្រឹកថ្ងៃទី១៧សីហា ២០១៨។ រូបថត៖ ហ្វេសប៊ុកសម្តេច ហ៊ុន សែន

សម្ដេចបានមានប្រសាសន៍ថា នៅកម្ពុជា មានមជ្ឈមណ្ឌលដោះមីនអាស៊ាន ដែលមានវិសាលភាពធំ ជួយដល់បណ្ដាប្រទេសក្នុងតំបន់ផង និងចូលរួមចំណែកក្នុងការងារអង្គការសហប្រជាជាតិក្នុងការដោះមីនផងដែរ ដោយសម្តេចបានស្នើឱ្យអង់គ្លេស ពង្រឹងកិច្ចសហប្រតិបត្តិការលើវិស័យនេះបន្ថែមទៀត៕

អត្ថបទ៖ សំភី