បាក់ឌុប៖ បណ្ដុំរូបភាពប្លែកៗ អំឡុងពេលសម្រាកថ្ងៃត្រង់ ត្រៀមចូលបន្ទប់ប្រឡងជាថ្មីរសៀលនេះ

2018-08-20 06:26:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការប្រឡងមធ្យមសិក្សាទុតិយភូមិ (បាក់ឌុប) នាថ្ងៃ២០ ខែសីហា ឆ្នាំ២០១៨ នេះ បានបញ្ចប់ទៅមួយព្រឹកហើយ។ នាព្រឹកដំបូង មានការប្រឡង ២មុខវិជ្ជា គឺ ប្រវត្តិវិទ្យា និងជីវវិទ្យា សម្រាប់ថ្នាក់វិទ្យាសាស្រ្ដ និង ផែនដីនិងបរិស្ថានវិទ្យា និងប្រវត្តិវិទ្យា សម្រាប់ថ្នាក់វិទ្យាសាស្រ្ដសង្គម។

ការប្រឡងនឹងត្រូវបន្តទៀត នាម៉ោង ២រសៀល លើ ២មុខវិជ្ជាទៀត គឺ គីមីវិទ្យា និងភាសាបរទេស (ថ្នាក់វិទ្យាសាស្រ្ដ) និងភូមិវិទ្យា និងភាសាបរទេស (ថ្នាក់វិទ្យាសាស្រ្ដសង្គម)។

ក្រុមការងារ [ខ្លីៗ] គឺលោក លន ហ្សាឌីណា និងលោក ស៊ីវ ចាន់ណា បានផ្ដិតយកទិដ្ឋភាពមួយចំនួន នៅពេលបេក្ខជនប្រឡង បញ្ចប់ការប្រឡងនាព្រឹកដំបូង នាវេលាថ្ងៃត្រង់នេះ។ សូមទស្សនាទិដ្ឋភាពទាំងនោះ ដូចខាងក្រោម៖

បេក្ខជនប្រឡង កំពុងទទួលទានអាហារថ្ងៃត្រង់ ជាមួយអាណាព្យាបាល នៅក្រោមម្លប់ឈើ

អ្នកមីងម្នាក់ មកទទួលកូនដែលទើបបញ្ចប់ការប្រឡងនាព្រឹកដំបូង

រូបទាំង២ខាងលើ បង្ហាញពីស្រ្ដីជាម្ដាយ យកអាហារជូនកូនទទួលទាន ពេលសម្រាកវេលាថ្ងៃត្រង់នេះ។ សកម្មភាពបែបនេះ គេសង្កេតឃើញនៅគ្រប់មណ្ឌលប្រឡងនានា ដោយសារតែម្ដាយឪពុក មិនចង់ឲ្យកូនពិបាក ចេញទៅទទួលទានអាហារនៅឆ្ងាយពីមណ្ឌលប្រឡងនោះទេ

បេក្ខជនប្រឡង កំពុងដើរចេញពីមណ្ឌលប្រឡង ក្រោយបញ្ចប់ការប្រឡងនាព្រឹកដំបូង

អាណាព្យាបាល កំពុងរង់ចាំកូនក្មួយ នៅក្រៅមណ្ឌលប្រឡង

បេក្ខជនម្នាក់ បិទបន្ទះបញ្ចុះកំដៅ ដើរចេញពីមណ្ឌលប្រឡង ក្រោយបញ្ចប់ការប្រឡងព្រឹកដំបូង។ នាព្រឹកដំបូងនេះ មានបេក្ខជនមួយចំនួន មានបញ្ហាសុខភាព ដូចជា វិលមុខ ខ្យល់គរ ក្ដៅខ្លួន និងក្អួត ជាដើម។