សម្ដេច ហ៊ុន សែន ផ្ដល់កាដូអ្វីខ្លះឲ្យសិស្សជាប់និទ្ទេស A ៤ឆ្នាំចុងក្រោយនេះ?

2018-08-21 08:19:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ឆ្នាំ២០១៤ គឺជាចំណុចចាប់ផ្តើម នៃកំណែទម្រង់រឹតបន្តឹងការប្រឡងសញ្ញាបត្រមធ្យមសិក្សាទុតិយភូមិ របស់ក្រសួងអប់រំ យុវជន និងកីឡា ក្នុងរដ្ឋាភិបាលអាណត្តិទី៥។ លទ្ធផលនៃការរឹតបន្តឹងនេះ បានធ្វើឱ្យចំនួនបេក្ខជនដែលប្រឡងជាប់ ធ្លាក់ចុះយ៉ាងគំហុក ដោយនៅឆ្នាំ២០១៤ ចំនួនសិស្សប្រឡងជាប់ មានត្រឹម ២៥,៧២% ប៉ុណ្ណោះ។ តួលេខនេះ គឺខុសគ្នាស្រឡះពីតួលេខកាលពីឆ្នាំ២០១៣ ដែលមានដល់ ៨៦,៧៧%។

ក្នុងនោះ អ្នកជាប់និទ្ទេស A ក៏មានចំនួនតិចតួចផងដែរ ខុសពីឆ្នាំសព្វមួយដង។ យ៉ាងណាមិញ វាអាចចាត់ទុកជារឿងល្អមួយដែរ ព្រោះសិស្សនិទ្ទេស A បានទទួលការចាប់អារម្មណ៍ខ្លាំងពីសំណាក់សាធារណជន ព្រមទាំងថ្នាក់ដឹកនាំកំពូលដូចជា សម្ដេច ហ៊ុន សែន ជាដើម។

តើសិស្សនិទ្ទេស A ត្រូវសម្ដេចនាយករដ្ឋមន្ត្រីជូនអំណោយអ្វីខ្លះ?

ពិធីសំណេះសំណាលរវាងសម្ដេច ហ៊ុន សែន និងសិស្សនិទ្ទេស A ឆ្នាំ២០១៧/ រូបភាព៖ ទីស្ដីការគណៈរដ្ឋមន្ត្រី

- ### បាក់ឌុបឆ្នាំ២០១៤

សិស្សនិទ្ទេស A មានតែ ១១នាក់តែប៉ុណ្ណោះ។ អំណោយដែលពួកគេម្នាក់ៗទទួលបានពីសម្ដេច ហ៊ុន សែន មានដូចជា ម៉ូតូ១គ្រឿង កុំព្យូទ័រយួរដៃ១គ្រឿង (តម្លៃ ១២៥០ដុល្លារ) iPad ១គ្រឿង អាហារូបករណ៍ និងប្រាក់ឧបត្ថម្ភ ៣០០០ដុល្លារ (១០០០ដុល្លារជាថវិកាសម្ដេចផ្ទាល់ ឯ ២០០០ដុល្លារទៀតបានពីសំណាក់សប្បុរសជននានា)។

បាក់ឌុបឆ្នាំ២០១៥

ចំនួនសិស្សនិទ្ទេស A បានកើនឡើងដល់ ១០៨នាក់។ សម្ដេច ហ៊ុន សែន បានឧបត្ថម្ភឲ្យសិស្សនិទ្ទេស A ក្នុងម្នាក់ៗនូវទឹកប្រាក់ចំនួន ២លានរៀល ថេបប្លេតម៉ាក Samsung ១គ្រឿង កាក់ប្រាក់អនុស្សាវរីយ៍១ សៀវភៅអនុស្សាវរីយ៍១ក្បាល និងអាហារូបករណ៍ថ្នាក់បរិញ្ញាបត្រ ដោយអាស្រ័យទៅលើសកលវិទ្យាល័យក្នុងប្រទេស។

បាក់ឌុបឆ្នាំ២០១៦

រង្វាន់ដែលសម្ដេច ហ៊ុន សែន បានឲ្យសិស្សនិទ្ទេស A ទាំង ៤០៥នាក់ កាលពីឆ្នាំ២០១៦ មាន ថេបប្លេតម៉ាក Samsung ១គ្រឿងភ្ជាប់ជាមួយនឹងអ៊ីនធឺណិតឥតគិតថ្លៃ៣ខែ កាក់ប្រាក់អនុស្សាវរីយ៍១ និងថវិកាចំនួន ២លានរៀល។

បាក់ឌុបឆ្នាំ២០១៧

សម្រាប់សិស្សនិទ្ទេស A ចំនួន ៤២៤នាក់ នៅឆ្នាំ២០១៧ ត្រូវសម្ដេចនាយករដ្ឋមន្ត្រីប្រគល់អំណោយលើកទឹកចិត្តដូចជា ថវិកា ២លានរៀល iPad ១គ្រឿង និងប្រាក់កាក់ស្លឹងខ្មែរ (បោះពុម្ពឆ្នាំ១៥១៤ ដែលបានស្រាវជ្រាវយកពីប្រទេសហុល្លង់មកវិញ) ចំនួន១៕

អត្ថបទពាក់ព័ន្ធ៖