គម្រោង១៤លានដុល្លារដែលគាំទ្រដោយ JICA នឹងដំណើរការនៅដើមទសវត្ស២០២០

2018-08-28 06:24:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Masahiko FURUICHI ទីប្រឹក្សាជាន់ខ្ពស់ផ្នែកដឹកជញ្ជូន បានឲ្យដឹងថា គម្រោងប្រព័ន្ធទិន្នន័យគ្រប់គ្រងដំណើរការការងារកំពង់ផែ EDI (Electronic Data Intercharge) ដែលមានតម្លៃ ១៤លានដុល្លារអាមេរិក នឹងត្រូវដាក់ឲ្យដំណើរការនៅខែមេសា ឆ្នាំ២០២១ខាងមុខ។

លោក Masahiko FURUICHI

លោក Masahiko FURUICHI បានដឹកនាំក្រុមការងារបេសកកម្មរបស់ទីភ្នាក់ងារសហប្រតិបត្តិការអន្តរជាតិជប៉ុន (JICA) ចូលជួបពិភាក្សាការងារជាមួយលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន កាលពីថ្ងៃទី២៧ ខែសីហា ឆ្នាំ២០១៨ នៅទីស្ដីការក្រសួង។

លោក ស៊ុន ចាន់ថុល បានជំរុញលើកទឹកចិត្តឲ្យក្រុមការងារបេសកកម្មសហការថែមទៀតជាមួយក្រសួង កំពង់ផែស្វយ័តក្រុងភ្នំពេញ កំពង់ផែស្វយ័តក្រុងព្រះសីហនុ ភ្នាក់ងារនាវាចរកម្ពុជា (កាំសាប) អគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ។

បើតាមក្រសួងសាធារណការ និងដឹកជញ្ជូនបានឲ្យដឹងថា កុងតឺន័រផ្ទុកទំនិញនាំចេញ/នាំចូលរបស់កម្ពុជា សរុបប្រមាណ៦០% ត្រូវបានដឹកជញ្ជូនឆ្លងកាត់ក្រុងព្រះសីហនុ ចំណែកឯ ៣០% ផ្សេងទៀត ត្រូវបានដឹកជញ្ជូនតាមកំពង់ផែរាជធានីភ្នំពេញ និងទន្លេមេគង្គ៕

រូបថត៖ ក្រសួងសាធារណការ និងដឹកជញ្ជូន

អត្ថបទ៖ លាភ.