អគ្គនាយកដ្ឋានពន្ធដារ ទុកពេលឱ្យប្រជាពលរដ្ឋ បង់ពន្ធអចលនទ្រព្យ ដល់ថ្ងៃ៣១តុលា

2018-09-28 09:37:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អគ្គនាយកដ្ឋានពន្ធដារ នៃក្រសួងសេដ្ឋកិច្ច និងហិរញ្ញវត្ថុ បានប្រកាសពន្យារកាលបរិច្ឆេទផុតកំណត់នៃការបង់ពន្ធលើអចលនទ្រព្យសម្រាប់ឆ្នាំ២០១៨នេះ រហូតដល់ថ្ងៃទី៣១ ខែតុលា។ នេះបើតាមសេចក្តីជូនដំណឹងរបស់អគ្គនាយកដ្ឋានពន្ធដារ នៅថ្ងៃទី២៨ ខែកញ្ញានេះ។

អគ្គនាយកដ្ឋានពន្ធដារ បញ្ជាក់ថា ការពន្យារពេលនេះ គឺដើម្បីផ្តល់លទ្ធភាពជូនដល់ម្ចាស់អចលនទ្រព្យដែលមានឆន្ទៈក្នុងការបំពេញកាតព្វកិច្ចប្រកាសបង់ពន្ធ បន្ទាប់ពីខ្លួនបានពិនិត្យឃើញថា រហូតមកដល់ពេលនេះ មានម្ចាស់អចលនទ្រព្យមួយចំនួន នៅមិនទាន់បង់ពន្ធនៅឡើយ។

ក្នុងសេចក្តីជូនដំណឹងនេះ បានលើកឡើងថា អ្នកជាប់ពន្ធត្រូវមានកាតព្វកិច្ចប្រកាសបង់ពន្ធលើអចលនទ្រព្យ យ៉ាងយឺតបំផុតត្រឹមថ្ងៃទី៣០ ខែកញ្ញា នៃឆ្នាំជាប់ពន្ធនីមួយៗ។ ផុតរយៈពេលនេះ អ្នកជាប់ពន្ធ នឹងត្រូវទទួលរងទោសទណ្ឌស្របតាមច្បាប់ស្តីពីសារពើពន្ធជាធរមាន៕

អត្ថបទ៖ សំភី