អតិរេកពាណិជ្ជកម្ម ចិន-អាមេរិក បន្ដកើនឡើងដល់កម្រិតថ្មីមួយទៀត

2018-10-12 04:10:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតិរិពាណិជ្ជកម្ម (ផលលើសផ្នែកពាណិជ្ជកម្ម) របស់ចិនជាមួយអាមេរិកបានបន្ដកើនឡើងដល់ ៣៤,១៣ពាន់លានដុល្លារ នៅខែកញ្ញា ឆ្នាំ២០១៨នេះ ខណៈដែលខែសីហា ដែលមានត្រឹម ៣១,០៥ពាន់លានដុល្លារ។ នេះបើតាមទិន្នន័យរបស់គយចិន ចេញផ្សាយនៅថ្ងៃទី១២ ខែតុលា ឆ្នាំ២០១៨នេះ។

រូបភាព៖ Reuters

ចាប់ខែមករា ដល់ខែកញ្ញា ឆ្នាំ២០១៨ ប្រទេសចិនមានអតិរេកពាណិជ្ជកម្មជាមួយអាមេរិក ក្នុងទំហំទឹកប្រាក់ ២២៥,៧៩ពាន់លានដុល្លារ ខណៈនៅក្នុងរយៈពេលដូចគ្នានៅឆ្នាំ២០១៧ មានត្រឹមតែ ១៩៦,០១ពាន់លានដុល្លារប៉ុណ្ណោះ។

សូមបញ្ជាក់ថា ទំហំអតិរេកពាណិជ្ជកម្មដ៏ធំនេះ បានធ្វើប្រទេសចិន និងអាមេរិកកំពុងប្រឈមមុខដាក់គ្នាក្នុងសង្រ្គាមពាណិជ្ជកម្ម ដែលប្រទេសទាំងពីរបានចាត់វិធានាការដំឡើងពន្ធទៅវិញទៅមក ចាប់តាំងពីដើមឆ្នាំ២០១៨ មកម្ល៉េះ៕

ប្រភព៖ Reuters ប្រែសម្រួល៖ វាសនា