Ronaldo ក្លាយជាកីឡាករដំបូងដែលសម្រេចគ្រាប់បាល់ទី៤០០ ក្នុងក្របខណ្ឌលីគធំៗនៅអឺរ៉ុប

2018-10-21 01:10:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Cristiano Ronaldo ក្លាយជាកីឡាករដំបូងគេ ដែលបានសម្រេចគ្រាប់បាល់ទី៤០០ ក្នុងក្របខណ្ឌលីគកំពូលធំៗទាំង៥ នៅអឺរ៉ុប ក្រោយស៊ុតបញ្ចូលទីបាន១គ្រាប់ឱ្យ Juventus ទៅលើក្រុម Genoa កាលពីយប់មិញ។

សូមបញ្ជាក់ថា លីគកំពូលទាំង៥នៅអឺរ៉ុបរួមមាន៖ La Liga (អេស្ប៉ាញ), Premier League (អង់គ្លេស), Serie A (អ៊ីតាលី), Bundesliga (អាល្លឺម៉ង់) និង Ligue 1 (បារាំង)។

១គ្រាប់នេះ ជាគ្រាប់ទី៥ របស់ Ronaldo នៅក្របខណ្ឌ Serie A បន្ថែមពីលើ ៨៤គ្រាប់ ដែលខ្សែប្រយុទ្ធព័រទុយហ្គាល់រូបនេះ ធ្វើបាននៅ Manchester United និង ៣១១ គ្រាប់កាលនៅ Real Madrid។

Ronaldo ញញឹមទៅមិត្តរួមក្រុម ក្នុងពេលប្រកួតជាមួយ Genoa (រូបថត៖ Reuters)

ទោះជាយ៉ាងណា ១គ្រាប់ដែល Ronaldo ស៊ុតចូលនៅនាទី១៨នេះ មិនបានធ្វើឱ្យ Juventus រក្សាជ័យជម្នះ៩ប្រកួតជាប់ៗគ្នាឡើយ ពោលគឺត្រូវខាង Genoa វាយបកតាមស្មើវិញនៅនាទី៦៧ ដោយកីឡាករ Bessa។ បញ្ចប់ការប្រកួតគឺ Juventus ១-១ Genoa ដែលលទ្ធផលនេះ ធ្វើឱ្យ Juventus ស្គាល់ការស្មើជាលើកដំបូង ប៉ុន្តែមិនទាន់ស្គាល់ចាញ់ឡើយ។

គិតត្រឹមសប្តាហ៍ទី៩ Juventus បន្តឈរលើកំពូលតារាង មាន ២៥ពិន្ទុ តាមពីក្រោយដោយ Napoli ដែលមាន២១ពិន្ទុ ក្រោយយកឈ្នះ Udinese ៣-០៕

សូមទស្សនាវីដេអូ Highlight៖