អ៊ាម វន្នី លេចមុខក្នុងភាពយន្តខ្នាតខ្លីមួយ អមដោយបទចម្រៀងដែលជាស្នាដៃនិពន្ធផ្ទាល់

2018-10-22 03:47:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តារាចម្រៀង អ៊ាម វន្នី បានចាប់ដៃគូជាមួយកញ្ញា គង់ វិច្ឆិកា ក្នុងការសម្ដែងភាពយន្តខ្នាតខ្លីរឿង "អសង្ខេយ្យស្នេហ៍" អមដោយចម្រៀងដែលលោកនិពន្ធដោយខ្លួនឯងផ្ទាល់។

តាមការបញ្ជាក់ពីលោក អ៊ាម វន្នី រឿង "អសង្ខេយ្យស្នេហ៍" ដែលជារឿងបែបស្នេហាឆ្លងជាតិ ដោយបង្កប់មានសាច់រឿងពិតខ្លះក្នុងរឿងនេះ មានអមដោយចម្រៀងOriginal ចំនួន ៣ បទ ដែលជាស្នាដៃនិពន្ធថ្មី ដោយលោក អ៊ាម វន្នី ផ្ទាល់ ដែលបទទីមួយមានចំណងជើងថា "អសង្ខេយ្យស្នេហ៍" បទទី២ ចំណងជើងថា "មួយលានស្នេហ៍" និងបទទី៣ ចំណងជើងថា "មានអារម្មណ៍" ។

តារាចម្រៀង អ៊ាម វន្នី បានចាប់ដៃគូជាមួយកញ្ញា គង់ វិច្ឆិកា ក្នុងការសម្ដែងភាពយន្តខ្នាតខ្លីរឿង "អសង្ខេយ្យស្នេហ៍"

តារាចម្រៀងដដែល បានឲ្យដឹងទៀតថា ចំណុចខ្វះខាតក្នុងរឿងនេះ គឺពិតជាមាន បើទោះបីជាមានការសសើរថារឿងនេះថត និងសម្តែងបានល្អក្តី។ លោកបានបញ្ជាក់ថា រឿងនេះ ជារឿងដែលមិនបានព្រាងទុក និងប្រើពេលថតតែត្រឹមរយៈពេលពីរថ្ងៃប៉ុណ្ណោះ បូករួមផ្សំទាំងការខ្វះខាតឧបករណ៍បច្ចេកទេស និងពេលវេលាផង ទើបរឿងនេះអាចនៅមានកម្រិតនៅឡើយ។ តែលោកបញ្ជាក់ថា លោកសប្បាយចិត្តដែលក្រុមការងាររបស់លោក អាចធ្វើបានក្នុងកម្រិតនេះ ដែលជាស្នាដៃរឿងដំបូងតែម្តង។

លោក អ៊ាម វន្នី ក៏រំពឹងថា អ្នកគាំទ្រនឹងបានទស្សនានូវរឿងជាបន្តបន្ទាប់ ដែលក្រុមការងាររបស់លោក នឹងខិតខំផលិតឡើងនៅពេលក្រោយៗទៀត៕

ទស្សនាខ្សែភាពយន្តខ្នាតខ្លី រឿង "អសង្ខេយ្យស្នេហ៍"