សម្ដេច ហ៊ុន សែន ថ្លែងអរគុណលោកស្រី ពុង ជីវហ្គិច ពីក្រុងហ្ស៊ឺណែវ

2018-10-24 01:01:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេច ហ៊ុន សែន នាយករដ្ឋមន្រ្តីកម្ពុជា បានអរគុណលោកស្រី ពុង ជីវហ្គិច ប្រធានអង្គការលីកាដូ ដែលពីមុន លោកស្រីបានខិតខំបង្កើតជំនួបរវាងសម្ដេច ហ៊ុន សែន និងព្រះបរមរតនកោដ្ឋ នរោត្ដម សីហនុ ដែលជាការបើកច្រកទ្វារសំខាន់មួយ ឈានទៅរកកិច្ចព្រមព្រៀងសន្ដិភាព ក្រុងប៉ារីស ថ្ងៃទី២៣ ខែតុលា ឆ្នាំ១៩៩១។

សម្ដេច ហ៊ុន សែន ថ្លែងនៅវិមានសន្ដិភាព នាពេលកន្លងមក

ការអរគុណនេះបានធ្វើឡើងអំឡុងសម្ដេច ហ៊ុន សែន ជួបសំណេះសំណាលជាមួយសហគមន៍ខ្មែររស់នៅទ្វីបអឺរ៉ុប នៅក្នុងក្រុងហ្សឺណែវ ប្រទេសស្វីស កាលពីថ្ងៃទី២៣ ខែតុលា ឆ្នាំ២០១៨ និងអំឡុងខួប ២៧ឆ្នាំនៃកិច្ចព្រមព្រៀងសន្ដិភាពក្រុងប៉ារីស ២៣ តុលា ១៩៩១-២៣ តុលា ២០១៨។

សម្ដេច ហ៊ុន សែន ថ្លែងថា "ខ្ញុំសុំយកឱកាសនេះ ថ្លែងការអរគុណសាជាថ្មីម្ដងទៀតចំពោះបងស្រី ពុង ជីវហ្គិច ដែលឥឡូវ ជាប្រធានអង្គការលីកាដូ ដែលពេលនេះ គាត់មានស្វាមីរបស់គាត់ជាអតីតអគ្គរដ្ឋទូតបារាំងនៅអង់ហ្គោឡា គាត់បានខិតខំរត់ការងារហ្នឹងខ្លាំងណាស់ ដើម្បីឲ្យមានការជួបសន្ទនារវាងខ្ញុំ និងសម្ដេចព្រះនរោត្តម សីហនុ"។

សម្ដេច ហ៊ុន សែន បន្ថែមថា ទីបំផុត ជំនួបមួយបានកើតឡើងលើកដំបូង នៅថ្ងៃទី២ ខែធ្នូ ឆ្នាំ១៩៨៧ នៅហ្វែអង់តាឌឺណ័រ នាប្រទេសបារាំង៕