Ronaldo លើកពីរឿង១ដែលគ្មានកីឡាករណា អាចធ្វើបានដូចខ្លួននិង Messi ឡើយ

2018-10-31 07:33:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Cristiano Ronaldo បានអះអាងថា ខ្លួន និង Lionel Messi បានធ្វើរឿងម្យ៉ាងដែលកីឡាករដទៃទៀត មិនអាចធ្វើបានឡើយ។

ថ្មីៗនេះ ក្នុងកិច្ចសម្ភាសជាមួយសារព័ត៌មាន France Football របស់បារាំង នៅពេលត្រូវបានសួរពាក់ព័ន្ធនឹងបេក្ខភាពដណ្ដើមពានរង្វាន់ Ballon d'Or ឆ្នាំនេះ Ronaldo បានឆ្លើយថា៖ «តើមានកីឡាករប៉ុន្មាននាក់ ដែលអាចលេងក្នុងទម្រង់ល្អបំផុត ក្នុងរយៈពេលលើសពី១០ឆ្នាំនោះ? អ្នកសាករាប់ដៃទៅមើល៍។ មានតែ២គត់ គឺ Messi និង ខ្ញុំ»។

យ៉ាងណាក៏ដោយខ្សែប្រយុទ្ធរបស់ Juventus ទទួលស្គាល់ថា រឿងនេះមិនឋិតថេរឡើយ។ «ខ្ញុំទទួលស្គាល់ថា ថ្ងៃណាមួយវានឹងចប់។ ប្រហែល ៤ ៥ ឬ ៦ឆ្នាំខាងមុខ អ្នកនឹងបានដឹង»។

Messi និង Ronaldo ក្នុងជំនួប El Clasico នៅអេស្ប៉ាញ កាលពីពេលកន្លងទៅ

គួរបញ្ជាក់ថា Ronaldo និង Messi ជាកីឡាករបាល់ទាត់ដែលធ្លាប់ឈ្នះពានរង្វាន់ Ballon d'Or ចំនួន ៥លើកដូចគ្នា ក្នុងប្រវត្តិសាស្ត្រ។

បច្ចុប្បន្ន មានតែខ្សែប្រយុទ្ធសញ្ជាតិប៉ូឡូញ Krzysztof Piatek ក្លឹប Genoa ប៉ុណ្ណោះដែលកំពុងឈរលើ Ronaldo ក្នុងតារាងអ្នកស៊ុតបញ្ចូលទីច្រើនជាងគេ នៅក្របខណ្ឌ Serie A ។ Piatek រកបាន ៩គ្រាប់ ខណៈ Ronaldo មាន ៧គ្រាប់៕