៩ចំណុចដើម្បីធានាសន្តិសុខ និងសុវត្ថិភាព ក្នុងឱកាសបុណ្យអុំទូក

2018-11-14 08:33:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដើម្បីបង្ការនិងធានាសន្តិសុខ និងសុវត្ថិភាពភ្ញៀវទេសចរ ក្រសួងទេសចរណ៍ កាលពីថ្ងៃទី១២ ខែវិច្ឆិកា ឆ្នាំ២០១៨ បានចេញនូវសេចក្ដីជូនដំណឹងដល់ភ្ញៀវទេសចរជាតិ និងអន្តរជាតិ និងសាធារណជន ក្នុងព្រះរាជពិធីបុណ្យអុំទូក បណ្ដែកប្រទីប អកអំបុក និងសំពះព្រះខែ ឲ្យយកចិត្តទុកដាក់ដូចខាងក្រោម៖

ទិដ្ឋភាពមុខព្រះបរមរាជវាំង នៅក្នុងបុណ្យអុំទូក ឆ្នាំ២០១៧

១- ត្រូវពាក់មួកសុវត្ថិភាពជានិច្ច ក្នុងពេលធ្វើដំណើរតាមទោចក្រយានយន្ត (ម៉ូតូ)

២- ត្រូវពាក់ខ្សែក្រវាត់សុវត្ថិភាពជានិច្ច ក្នុងពេលធ្វើដំណើរតាមរថយន្ត

៣- មិនត្រូវបើកបរក្រោមឥទ្ធិពលនៃគ្រឿងស្រវឹងជាដាច់ខាត

៤- មិនត្រូវបើកបរលើសល្បឿនកំណត់ជាដាច់ខាត ចំពោះយានយន្តដឹកភ្ញៀវទេសចរគ្រប់ប្រភេទ និងធ្វើការត្រួតពិនិត្យ មធ្យោបាយដឹកជញ្ជូនរបស់ខ្លួនឲ្យមានសោភ័ណភាព គុណភាព ផាសុកភាព និងមានសម្ភារៈសង្គ្រោះពេលមានគ្រោះថ្នាក់ផ្សេងៗ

៥- ត្រូវពាក់អាវពោងសុវត្ថិភាពជានិច្ច ក្នុងពេលធ្វើដំណើរតាមទូកម៉ាស៊ីន ទៅកម្សាន្តតាមតំបន់កោះនានា

៦- ត្រូវរក្សាសម្ភារៈមានតម្លៃផ្ទាល់ខ្លួន ពេលធ្វើដំណើរជៀសវាង ចោលលួច ឆក់ ប្លន់ជាដើម

៧- ជៀសវាងចូលទៅកន្លែងដែលមានហ្វូងមនុស្សច្រើនកុះករ និងមានបរិយាកាសមិនល្អ

៨- ទីភ្នាក់ងារ និងការីទេសចរណ៍ មិនត្រូវរៀបចំខ្សែទស្សនកិច្ចទៅកាន់ទីកន្លែងណាដែលមានហានិភ័យខ្ពស់

៩- ត្រូវមានលេខទូរសព្ទសម្រាប់ទំនាក់ទំនងបន្ទាន់ នៅពេលដែលភ្ញៀវទេសចរជួបគ្រោះថ្នាក់ផ្សេងៗ៕