លោក វន់ ពៅ អំពាវនាវឱ្យអាជ្ញាធរ រកដំណោះស្រាយដល់អ្នកលក់ដូរតាមដងផ្លូវ

2018-11-14 08:37:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក វន់ ពៅ ប្រធានសមាគមប្រជាធិបតេយ្យឯករាជ្យ នៃសេដ្ឋកិច្ចក្រៅប្រព័ន្ធ (IDEA) បានអំពាវនាវឱ្យអាជ្ញាធរ ជួយទប់ស្កាត់ និងរកដំណោះស្រាយដោយភាពវិជ្ជមាន ដល់អ្នកលក់ដូរតាមដងផ្លូវ បន្ទាប់ពីសមាគមនេះ បានរកឃើញថា អ្នកលក់ដូរតាមដងផ្លូវ បានជួបប្រទះនឹងបញ្ហាមួយចំនួន។ ការអំពាវនាវនេះ ធ្វើឡើងក្នុងឱកាស "ទិវាអ្នកលក់ដូរតាមដងផ្លូវខួបលើកទី៦" នាថ្ងៃទី១៤ ខែវិច្ឆិកា ឆ្នាំ២០១៨។

លោក វន់ ពៅ ក្នុងពេលទៅទទួលអ្នកស្រី ទេព វន្នី ដែលត្រូវបានដោះលែង ចេញពីពន្ធនាគារ កាលពីពេលថ្មីៗនេះ

យោងតាមសេចក្តីថ្លែងការណ៍របស់ IDEA បានលើកឡើងនូវការអំពាវនាវរបស់លោក វន់ ពៅ ទៅកាន់អាជ្ញាធរ ដូចខាងក្រោម៖

-រៀបចំសណ្តាប់ធ្នាប់ ដោយមានភាពទទួលខុសត្រូវចំពោះអ្នកលក់ដូរតាមដងផ្លូវ

-រៀបចំកន្លែងលក់ដូរ ឱ្យបានសមរម្យ និងអនាម័យល្អប្រកបដោយសុវត្ថិភាព

-ដាក់គំនូសខណ្ឌចែកចំណែកចិញ្ចើមផ្លូវ ឬដាក់របងសម្រាប់បែងចែកចំណែកផ្លូវសម្រាប់អ្នកលក់ ដែលជាសោភ័ណភាពទីក្រុង និងផ្តល់ភាពងាយស្រួលដល់មហាជនទាំងឡាយ ក្នុងការទិញដូរ និងដើម្បីសុវត្ថិភាព

-អនុវត្តឡើងវិញប្រកបដោយប្រសិទ្ធភាពនូវសារាចររបស់រាជរដ្ឋាភិបាលលេខ១១ ស រ ស្តីពី (ការលុបការបង់ថ្លៃភាស៊ី ចំពោះប្រជាពលរដ្ឋលក់ដូរតាមកញ្ជ្រែង កញ្ជើរ ល្អី)

-សុំបន្តធ្វើឡើងវិញនូវបណ្ណមូលនិធិសមធម៌សម្រាប់អ្នកលក់ដូរតាមដងផ្លូវ

-សុំឱ្យរាជរដ្ឋាភិបាល អនុវត្តតាមអនុសាសន៍របស់ ILO លេខ២០៤ ឆ្នាំ២០១៥ ស្តីពីការទទួលស្គាល់ជាផ្លូវការអ្នកលក់ដូរតាមដងផ្លូវជាផ្នែកមួយនៃសេដ្ឋកិច្ចក្រៅប្រព័ន្ធ។

-ស្នើឱ្យរាជរដ្ឋាភិបាលបង្កើតមណ្ឌលទារកដ្ឋាន សម្រាប់ផ្ញើរកូនៗអ្នកលក់តាមដងផ្លូវ៕