អតីតបវរកញ្ញារុស្ស៊ី រៀបការជាមួយស្ដេចម៉ាឡេស៊ី តែ មហាធៀ ថាអត់ដឹង

2018-11-30 04:26:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អតីតបវរកញ្ញាក្រុងមូស្គូ វ័យ ២៥ឆ្នាំ នាង Oksana Voevodina ត្រូវប្រព័ន្ធផ្សព្វផ្សាយអនឡាញរាយការណ៍ថា បានរៀបការជាមួយនឹងព្រះចៅ Sultan Muhammad V ព្រះមហាក្សត្រម៉ាឡេស៊ី ព្រះជន្ម ៤៩វស្សា នៅជាយក្រុងមូស្គូ កាលពីពេលថ្មីៗនេះ។

ព្រះចៅ Sultan Muhammad V ព្រះមហាក្សត្រម៉ាឡេស៊ី គង់លើកៅអីជាមួយនាង Oksana Voevodina

ប៉ុន្ដែលោក មហាធៀ មហាម៉ាត់ នាយករដ្ឋមន្រ្តីម៉ាឡេស៊ី បានបញ្ជាក់កាលពីថ្ងៃទី២៩ ខែវិច្ឆិកា ២០១៨ថា លោកពុំមានការបញ្ជាក់ជាផ្លូវការពីព្រះមហាក្សត្រម៉ាឡេស៊ី ដែលបានរៀបការជាមួយនឹងអតីតបវរកញ្ញារុស្ស៊ីនោះទេ។

លោក មហាធៀ ថា "ខ្ញុំមិនដឹង។ ខ្ញុំពុំមានការបញ្ជាក់ផ្លូវការ ដូច្នេះខ្ញុំមិនអាចនិយាយអ្វីបានទេ"។

ចំណែកទូរទស្សន៍រុស្ស៊ី RT បានរាយការណ៍កាលពីថ្ងៃទី២៩ ខែវិច្ឆិកា ២០១៨ ថា គូស្វាមីភរិយាថ្មីនេះបានទៅគ្លីនិកមួយ នៅប្រទេសអាល្លឺម៉ង់ ប៉ុន្មានថ្ងៃក្រោយការរៀបការនៅក្រុងមូស្គូ។ RT រាយការណ៍ថា "ជំនួយការនាង Oksana Voevodina បញ្ជាក់ថា ដំណើរទៅប្រទេសអាល្លឺម៉ង់នោះ គឺសម្រាប់ការព្យាបាល"។

ពេលនេះ ខាងរាជវាំងម៉ាឡេស៊ីពុំទាន់ធ្វើសេចក្តីថ្លែងការណ៍បញ្ជាក់លើបញ្ហានេះនៅឡើយទេ៕

ប្រភព៖ Channelnewsasia ប្រែសម្រួល៖ វាសនា