ស្នងការខេត្តព្រះសីហនុ បំភ្លឺរឿងរូបភាពក្រុមបងធំមានសាក់ពេញខ្លួន

2018-12-04 04:02:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្នងការដ្ឋានខេត្តព្រះសីហនុ នៅថ្ងៃទី៤ ខែធ្នូ ឆ្នាំ២០១៨នេះ បានបំភ្លឺថា "កាលពីថ្មីៗកន្លងមកនេះ មានសារពត៌មានមួយចំនួនតូចបានបង្ហោះរូបភាពជនដែលមានសាក់ពេញខ្លួន ថាជាក្រុមចិននៅក្នុងប្រទេសកម្ពុជា តែតាមពិតក្រុមទាំងនេះជាជនជាតិវៀតណាម ហើយម្ចាស់ហ្វេសប៊ុកឈ្មោះ GIA DINH VUI TINH"។

រូបភាពដែលបង្ហោះលើហ្វេសប៊ុកឈ្មោះ GIA DINH VUI TINH

ស្នងការខេត្តព្រះសីហនុបន្ដទៀតថា "ជារឿយៗ ម្ចាស់ហ្វេសប៊ុកឈ្មោះ GIA DINH VUI TINH បានបង្ហោះរូបក្រុមនេះធ្វើសកម្មភាពបង្អួតសាក់ដាក់បណ្តាញសង្គមហ្វេសប៊ុករបស់ពួកគាត់ ជាអកុសលត្រូវសារពត៌មានមួយក្តាប់តូចព្យាយាមបំពុលសង្គមខ្មែរយើងអោយអាប់អួរមិនស្រាកស្រាន្ត"។

ស្នងការដ្ឋាននគរបាលខេត្តព្រះសីហនុ សូមគោរពជូនដល់សារធាណជនមេត្តាយកចិត្តដាក់ពិនិត្យអោយបានច្បាស់លាស់មុននឹងវាយតម្លៃ និងសូមអោយជនរួមជាតិមេត្តាមានស្មារតីខ្ពស់ក្នុងការលើកតម្កើនថែរក្សាកត្តិយស មុខមាត់ និងសេចក្តីថ្លៃថ្នូររបស់ប្រទេសជាតិយើងទាំងមូល៕