អាមេរិក ដាក់ទណ្ឌកម្មលើមនុស្សជំនិតរបស់ គីម ជុងអ៊ុន

2018-12-11 02:28:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលអាមេរិក កាលពីថ្ងៃទី១០ ខែធ្នូ ២០១៨ បានដាក់ទណ្ឌកម្មលើមន្រ្តីកូរ៉េខាងជើង ៣រូប ខណៈអាមេរិកបានចាត់ទុកស្ថានភាពសិទ្ធិមនុស្សរបស់កូរ៉េខាងជើង ក្នុងចំណោមប្រទេសដែលមានស្ថានភាពសិទ្ធិមនុស្សអាក្រក់បំផុតក្នុងពិភពលោក។

រូបភាព៖ South China Morning Post

ក្នុងនោះ រដ្ឋបាល ដូណាល់ ត្រាំ នឹងរឹបអូសទ្រព្យសម្បត្តិរបស់លោក Choe Ryong Hae ដៃស្ដាំរបស់ គីម ជុងអ៊ុន និងមន្រ្តីកូរ៉េខាងជើង ២រូបទៀត លើតួនាទីរបស់ពួកគេក្នុងការដាក់គំនាបលើសេរីភាពនៃការបញ្ចេញមតិ។

លោក Robert Palladino អ្នកនាំពាក្យក្រសួងការបរទេសអាមេរិកបញ្ជាក់ថា "ការរំលោភសិទ្ធិមនុស្សនៅក្នុងប្រទេសកូរ៉េខាងជើង ស្ថិតនៅចំណោមស្ថានភាពអាក្រក់បំផុតក្នុងពិភពលោក ហើយរួមមានទាំងការសម្លាប់ក្រៅច្បាប់ ពលកម្មដោយបង្ខំ ទារុណកម្ម ការឃុំខ្លួនយូរជាងនិតិវិធី រំលោភ ការរំលូតកូនដោយបង្ខំ និងហិង្សាផ្លូវភេទផ្សេងទៀត"។

ចំណែកខាងក្រសួងរតនាគារជាតិអាមេរិកបានកក់សម្គាល់ថា លោក Choe Ryong Hae គឺជាប្រធាននាយកដ្ឋានរៀបចំ និងណែនាំ នៃបក្សពលករកូរ៉េខាងជើង ដែលទទួលខុសត្រូវក្នុងការអនុវត្តមនោគមន៍វិជ្ជា និងធានាថា មន្រ្តីទាំងអស់នៅក្នុងបន្ទាត់របស់រដ្ឋាភិបាលកូរ៉េខាងជើង៕

ប្រភព៖ Channelnewsasia ប្រែសម្រួល៖ វាសនា