ស៊ី ជីនពីង៖ គ្មាននរណាអាចបញ្ជាឲ្យចិនធ្វើអ្វីដែលគួរធ្វើបានឡើយ

2018-12-18 06:18:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ី ជីនពីង ប្រធានាធិបតីចិន បានប្រកាសជំរុញឆ្ពោះទៅមុខជាមួយកំណែទម្រង់ និងការបើកចំហរបស់ចិន ប៉ុន្ដែលោកបានព្រមានថា គ្មាននរណាអាចបញ្ជាចិនឲ្យធ្វើអ្វីដែលគួរធ្វើបានឡើយ។

លោក ស៊ី ជីនពីង ប្រធានាធិបតីចិន

ប្រសាសន៍របស់លោកប្រធានាធិបតីចិនដូច្នេះ បានធ្វើឡើងក្នុងសុន្ទរកថារម្លឹកខួប ៤០ឆ្នាំ នៃការដាក់ចេញគោលនយោបាយកំណែទម្រង់ និងការបើកចំហរបស់ចិន នៅវិមានប្រជាជនចិន នាថ្ងៃទី១៨ ខែធ្នូ ឆ្នាំ២០១៨នេះ។

ជាមួយគ្នានេះ លោក ស៊ី បានសន្យាជំរុញឆ្ពោះទៅមុខជាមួយកំណែទម្រង់សេដ្ឋកិច្ច ដែលផ្ដួចផ្ដើមដោយអគ្គមគ្គុទេសន៍ តេង ស៊ាវពីង នៅខែធ្នូ ឆ្នាំ១៩៧៨។ លោកបញ្ជាក់ថា "ទង់នៃសង្គមនិយមតែងតែហោះខ្ពស់នៅលើទឹកដីរបស់ចិន"។

លោកបន្ដថា "យើងត្រូវតែកែទម្រង់យ៉ាងម៉ឺងម៉ាត់នូវអ្វីដែលគួរ និងអាចផ្លាស់ប្ដូរ។ យើងត្រូវតែមិនកែទម្រង់នូវអ្វីដែលមិនគួរ និងមិនអាចផ្លាស់ប្ដូរបាន"។ លោកថា "យើងនឹងពន្លឿនការអភិវឌ្ឍនៃសេដ្ឋកិច្ចរដ្ឋ រួមជាមួយការណែនាំការអភិវឌ្ឍនៃសេដ្ឋកិច្ចមិនមែនរដ្ឋ"៕