លីគកំពូលកម្ពុជា ចាប់ផ្ដើមនៅដើមខែ មីនា ខាងមុខ

2019-01-11 07:55:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ឆាំង ពិសិដ្ឋ លេខាធិការប្រតិបត្តិនៃគណៈកម្មការប្រកួតបាល់ទាត់ជាតិ បានឲ្យដឹងថា កម្មវិធីប្រកួតពានរង្វាន់បាល់ទាត់លីគកំពូលកម្ពុជា រដូវកាលឆ្នាំ ២០១៩ នឹងចាប់ផ្ដើមនាដើមខែ មីនា ខាងមុខនេះ ពោលកាលវិភាគប្រកួតសប្ដាហ៍ទី១ នឹងធ្វើឡើងនៅថ្ងៃទី ៩ និង ១០ ខែមីនា។ នេះបើតាមការចុះផ្សាយរបស់ CNCC ។

លោក ឆាំង ពិសិដ្ឋ លេខាធិការប្រតិបត្តិនៃគណៈកម្មការប្រកួតបាល់ទាត់ជាតិ

ការបង្ហើបឲ្យដឹងបែបនេះ គឺបន្ទាប់ពីកិច្ចប្រជុំដែលមានតំណាងថ្នាក់ដឹកនាំក្លឹបលីគកំពូលទាំង ១១ ដែលត្រូវបានរៀបចំឡើង កាលពីថ្ងៃទី ៨ ខែមករា នៅស្នាក់ការគណៈកម្មការប្រកួតបាល់ទាត់ជាតិកម្ពុជា។

ក្លឹបទាំង១២ ដែលត្រូវប្រជែងពាននៅលីគកំពូលឆ្នាំ ២០១៩ ដូចជា ក្រុមការពារតំណែងជើងឯក ណាហ្គាវើល, ក្រសួងការពារជាតិ, វិសាខា, ភ្នំពេញក្រោន, ព្រះខ័នរាជស្វាយរៀង, បឹងកេត, អគ្គស្នងការដ្ឋាននគរបាលជាតិ, អាស៊ីអឺរ៉ុបយូណាយធី, អង្គរថាយហ្គឺរ, សូលទីឡូអង្គរ, អគ្គិសនីកម្ពុជា និង ក្រុមត្រូវឡើងមក គីរីវង់សុខសែនជ័យ(តាកែវ), Forza (សៀមរាប), កំពង់ចាម។ ក្រុមត្រូវឡើងមក ១ក្រុមក្នុងចំណោម ៣ ក្រុម ដូចជា គីរីវង់សុខសែនជ័យ(តាកែវ), Forza (សៀមរាប), និង ខេត្តកំពង់ចាម ត្រូវរង់ចាមការសម្រេចពីគណៈកម្មាធិការប្រតិបត្តិនៃសហព័ន្ធកីឡាបាល់ទាត់កម្ពុជា។

ក្រុមវេស្ទើនភ្នំពេញ ជាក្រុមតែមួយគត់ដែលត្រូវកាត់ចេញពីលីគកំពូលនាឆ្នាំ ២០១៨។ ក្រុមតំណាងឲ្យសាកលវិទ្យាល័យ មួយនេះរកបានតែ ១ ពិន្ទុប៉ុណ្ណោះក្នុងការលេង ២២ ប្រកួត។ ១ ពិន្ទុរបស់ក្រុមវេស្ទើន ពេល ស្មើការពារជាតិ ៣-៣។