AFC Asian Cup៖ VAR បានជួយវៀតណាម១គ្រាប់ តែធ្វើឱ្យស្រក់ទឹកភ្នែកវិញ ក្រោមថ្វីជើងជប៉ុន

2019-01-25 01:44:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមវៀតណាម បានធ្លាក់ចេញពីការប្រកួតក្នុងពានរង្វាន់ AFC Asian Cup 2019 ហើយ ក្រោមថ្វីជើងក្រុមជប៉ុន ដោយលទ្ធផល ០-១ ក្នុងវគ្គ៨ក្រុមចុងក្រោយកាលពីយប់មិញ។

វៀតណាម ក្នុងការប្រកួតជាមួយជប៉ុន នៅវគ្គ៨ក្រុម AFC Asian Cup 2019 (រូបថត៖ ហ្វេសប៊ុក AFC Asian Cup)

១គ្រាប់របស់ជប៉ុននេះ គឺជាការស៊ុតបាល់ប៉េណាល់ទី ធ្វើបានដោយ Ritsu Doan នៅនាទី៥៧។ ការសម្រេចឱ្យស៊ុតបាល់ពិន័យ ១១ម៉ែត្រនេះ គឺបន្ទាប់ពីលោកអាជ្ញាកណ្តាលបានពិនិត្យមើល វីដេអូជំនួយ VAR ដែលកីឡាករវៀតណាម បានប្រព្រឹត្តកំហុស (ទាក់ជើង) ទៅលើកីឡាករជប៉ុន ក្នុងតំបន់គ្រោះថ្នាក់។

នៅក្នុងតង់ទី១ ក្រុមជប៉ុន ក៏បានតែតបញ្ចូលទី១គ្រាប់ទៅលើក្រុមវៀតណាមដែរ ប៉ុន្តែក្រោយពិនិត្យមើលតាម VAR ឃើញមានការប៉ះដៃ ទើបអាជ្ញាកណ្តាល សម្រេចមិនឱ្យគ្រាប់បាល់នេះឡើយ។

តាមរយៈលទ្ធផលខាងលើនេះ ជប៉ុន បានឡើងទៅវគ្គពាក់កណ្តាលផ្តាច់ព្រ័ត្រ ដោយត្រូវប៉ះអ៊ីរ៉ង់ បន្ទាប់ពីក្រុមនេះ បានយកឈ្នះចិន ក្នុងលទ្ធផល ៣-០ កាលពីយប់មិញនេះផងដែរ៕