Bournemouth លត់ Chelsea ៤-០ ធ្វើឲ្យ Man Utd កាន់តែមានសង្ឃឹមយក Top 4

2019-01-31 01:51:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមម្ចាស់ផ្ទះ Bournemouth បានបំបាក់ក្រុមភ្ញៀវ Chelsea ដោយលទ្ធផល ៤-០ នៅក្នុងសប្ដាហ៍ទី២៤ ក្របខណ្ឌលីគកំពូលអង់គ្លេស ដែលធ្វើឲ្យគម្លាតក្នុងតារាងពិន្ទុ រវាងក្រុមលេខ៤ ដល់លេខ៦ កាន់តែប្រកៀកប្រកិតគ្នា ពោលគឺ ខុសគ្នាតែ ២ពិន្ទុប៉ុណ្ណោះ ខណៈក្រុម Manchester United ឈរនៅលេខ៦។

Bournemouth អបអរក្រោយស៊ុតទៅលើ Chelsea (រូបថតផ្ដល់សិទ្ធិដោយ Reuters)

ក្នុងការប្រកួតយប់មិញ ម្ចាស់ផ្ទះ Bournemouth បានស៊ុត ៤គ្រាប់ទៅលើក្រុមតោខៀវ Chelsea នៅនាទី៤៧, ៦៣, ៧៤ និង ៩០+៥ ។ លទ្ធផលនេះ មានន័យថា Chelsea មាន ៤៧ពិន្ទុ ឈរលំដាប់ទី៥ ចំណែក Arsenal ដែលឈរលេខ៤ មានពិន្ទុស្មើគ្នា។ Chelsea ក៏បានដាក់ខ្សែប្រយុទ្ធចំណូលថ្មី Gonzalo Higuain ឲ្យចូលលេង ដែលទើបខ្ចីជើងពី AC Milan ផងដែរ។

ខ្សែប្រយុទ្ធ Gonzalo Higuain ចូលលេងប្រកួតយប់មិញ (រូបថតផ្ដល់សិទ្ធិដោយ Reuters)

សូមជម្រាបថា ប្រកួតបន្ទាប់ Arsenal ត្រូវប៉ះម្ចាស់ផ្ទះ Manchester City ខណៈ Chelsea ស្វាគមន៍ក្រុមភ្ញៀវ Huddersfield ស្របពេលដែល Man Utd ទៅសួរសុខទុក្ខក្រុមម្ចាស់ផ្ទះ Leicester City ។

Chelsea បង្ហាញការសោកស្ដាយ ក្រោយបរាជ័យទល់នឹង Bournemouth (រូបថតផ្ដល់សិទ្ធិដោយ Reuters)

គិតមកទល់ពេលនេះ ក្រុមហង្សក្រហម Liverpool នៅតែឈរនៅកំពូលតារាង ទោះបីជាប្រកួតស្មើជាមួយ Leicester ១-១ កាលពីយប់មិញក៏ដោយ។ Liverpool មាន ៦១ពិន្ទុ ឯ Man City ប្រដេញនៅគម្លាត ៥ពិន្ទុ តាមពីក្រោយ។ Spurs ឈរលេខ៣ មាន ៥៤ពិន្ទុ៕