ការថតរឿង "ទារុណកម្មខ្មោច" ពិបាក និងចាយទុនច្រើនជាងរឿងមុនៗ
- 2019-02-01 06:39:15
- ចំនួនមតិ 0 | ចំនួនចែករំលែក 0
ការថតរឿង "ទារុណកម្មខ្មោច" ពិបាក និងចាយទុនច្រើនជាងរឿងមុនៗ
ចន្លោះមិនឃើញ
រឿង «ទារុណកម្មខ្មោច» ដែលផលិតឡើងក្រោមកិច្ចសហការរវាងផលិតកម្មមាតុចក្រហ្វីលម៍ របស់លោក ហ៊ុយ យ៉ាឡេង ជាមួយផលិតកម្មសិល្បៈភាពយន្តខ្មែរ គឺមានការពិបាកថត និងចំណាយទុនច្រើនជាងរឿងមុនៗ។
អ្នកដឹកនាំរឿងរូបនេះ បានរៀបរាប់មកកាន់ Sabay ថា សម្រាប់រឿងមួយនេះគឺពិបាកជាងរឿងមុនៗ ព្រោះតម្រូវឲ្យលោកត្រូវអត់បាយអត់ទឹក តមអាហារឲ្យស្គមរឺងរៃដូចក្នុងសម័យខ្មែរក្រហមគឺ ថតមួយខែឈុតធាត់ហើយអត់បាយមួយខែបានមកឈុតស្គម១អាទិត្យទៀត។
លោក ហ៊ុយ យ៉ាឡេង បន្តថា «ចំណុចពិបាកៗ គឺពិតជាមានច្រើនដោយ ពេលខ្លះខំអត់អាហារ ថតទារុណកម្មម្ជុលខ្ទាស់ដោតត្រចៀក ជ្រមុជទឹកចង់ស្លាប់ ដើម្បីឲ្យបានសាច់រឿងល្អ»។ សម្រាប់ការចំណាយទុនផលិតសរុបក្នុងរឿងទាំងមូល គឺអស់ទឹកប្រាក់សរុប ដល់ទៅជាង៧ម៉ឺនដុល្លារឯណោះ។
យ៉ាងណាមិញ ម្ចាស់ផលិតកម្មនេះបានបន្ថែមទៀតថា «ទារុណកម្មខ្មោច» ដែលជាស្នាដៃថ្មីមួយទៀតដែលដឹកនាំដោយលោកផ្ទាល់ បន្ទាប់ពីភាពយន្តដែលលោកធ្លាប់ទទួលបានជោគជ័យជំនាន់មុន គឺរឿង «ខ្មោចដើមចេកជ្វា» និងរឿង «ធ្មប់»។
រឿង « ទារុណកម្មខ្មោច» នឹងត្រូវចាក់បញ្ចាំងនៅគ្រប់បណ្តារោងភាពយន្តចាប់ពីថ្ងៃ ទី២៨ ខែកុម្ភៈ ឆ្នាំ២០១៩ ខាងមុខនេះ ដោយលោកជឿជាក់ថា នឹងទទួលបានការគាំទ្រច្រើនពីសំណាក់ប្រិយមិត្តអ្នកចូលចិត្តវិស័យកុន៕
ផ្តល់សិទ្ធរូបភាពដោយ៖ លោក ហ៊ុយ យ៉ាឡេង