ក្រុមការពារជើងឯក Real ជ្រុះចេញពីពាន UCL ក្រោមថ្វីជើង Ajax
- 2019-03-06 01:43:18
- ចំនួនមតិ 0 | ចំនួនចែករំលែក 0
ក្រុមការពារជើងឯក Real ជ្រុះចេញពីពាន UCL ក្រោមថ្វីជើង Ajax
ចន្លោះមិនឃើញ
ក្រុមអធិរាជស Real Madrid ដែលជាក្រុមការពារតំណែងជើងឯក ពានរង្វាន់ UEFA Champions League បានជ្រុះចេញត្រឹមវគ្គ ១៦ក្រុមចុងក្រោយ បន្ទាប់ពីទទួលបរាជ័យក្រោមថ្វីជើងក្រុមមកពីហុល្លង់ Ajax នៅជើងទី២ ដោយលទ្ធផល ៤-១ នៅកីឡដ្ឋាន Bernabeu កាលពីយប់មិញ។
Real Madrid ដែលឈ្នះជើងឯក UCL ៣សម័យចុងក្រោយ បានយកឈ្នះ Ajax កាលពីជើងទី១ ដោយលទ្ធផល ២-១ ។ ដូច្នេះ ទាំងពីរជើង Real ៣ Ajax ៥។
ក្នុងការប្រកួតយប់មិញ ត្រឹម ៧នាទី ខ្សែបម្រើ Hakim Ziyech ជួយឲ្យ ក្រុមភ្ញៀវនាំមុខ ១គ្រាប់។ ក្នុងនាទី១៨ Ajax បន្ថែមគ្រាប់ទី២ ដោយខ្សែប្រយុទ្ធវ័យក្មេង David Neres ។ ក្រោយសម្រាកតង់ទីមួយ ក្រុមមកពីហុល្លង់ បន្ថែមគ្រាប់ទី៣ ដោយខ្សែបម្រើ Dusan Tadic ។ ចំណែក Real វាយបកបាន១គ្រាប់ ពីខ្សែបម្រើ Asensio នៅនាទី៧០ ក៏ប៉ុន្តែបានត្រឹម ២នាទី Ajax បានរកគ្រាប់ទី៤សម្រេចពីខ្សែបម្រើ Lasse Schone ៕