សមត្ថកិច្ចចាប់បង្គាជាង៧តោនដែលនាំចូលពីវៀតណាម និងឃាត់ខ្លួនមនុស្ស៣នាក់

2019-03-14 01:36:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បង្គា (ដែលមានចាក់សារធាតុម្យ៉ាងខាប់ដូចចាហួយចូលក្បាលបង្គា) និងគ្រឿងសមុទ្រមួយចំនួនទៀត ដែលគ្មានច្បាប់អនុញ្ញាតនាំចូលពីវៀតណាមជាង ៧តោន (ចំនួន៣៧៦កេស ប្រមាណ ៧៥២០គីឡូក្រាម) ត្រូវបានកម្លាំងនាយកដ្ឋាននគរបាលប្រឆាំងបទល្មើសសេដ្ឋកិច្ច និងកម្លាំងអគ្គនាយកដ្ឋានកាំកុងត្រូលបង្ក្រាបកាលពីព្រឹកថ្ងៃទី១៣ ខែមីនា ឆ្នាំ២០១៩។

បង្គាដែលនាំចូលពីប្រទេសវៀតណាមនេះ ត្រូវបានដឹកតាមរថយន្តចំនួន ០៣គ្រឿង ទី១-ម៉ាក HYUNDIA ពាក់ស្លាកលេខ 3A-0869 ទី២-ម៉ាកសាំងយ៉ុងកែឆ្នៃ2A-0342 ទី៣-ម៉ាក HYUNDIA គ្មានស្លាកលេខ។

ជាមួយគ្នានេះ សមត្ថកិច្ចបាននាំខ្លួនអ្នកបើកបររថយន្តចំនួន ៣នាក់ ទៅធ្វើការសាកសួរបំភ្លឺនៅនាយកដ្ឋានដើម្បីស្វែងរកម្ចាស់ បន្តនីតិវិធីតាមផ្លូវច្បាប់។

បង្គាជាង ៧តោន ត្រូវបានសម្រេចដកហូតរក្សាទុកជាបណ្តោះអាសន្ននៅនាយកដ្ឋាន និងយកវត្ថុតាងមួយចំនួនទៅធ្វើការពិសោធ រកសារធាតុហាមឃាត់។ ចំណែកបង្គា ដែលមានចាក់បញ្ចូលសារធាតុយកទៅដុតកម្ទេច បំផ្លាញចោលនៅទីលានចាក់សំរាមបឹងជើងឯក នៅរសៀលថ្ងៃ១៣ ខែមីនា៕