រដ្ឋមន្រ្តីមហាផ្ទៃ៖ សមត្ថកិច្ចកំពុងតាមចាប់ខ្លួនមន្ត្រីប៉ូលិស ពាក់ព័ន្ធនឹងករណីគ្រឿងញៀននៅរ៉ុក

2019-03-19 09:25:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេច ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានថ្លែងបញ្ជាក់ថា ករណីបង្ក្រាបគ្រឿងញៀន នៅមជ្ឈមណ្ឌលកម្សាន្តរ៉ុក ដែលសមត្ថកិច្ចរឹបអូសគ្រឿងញៀនជិត ៥០គីឡូក្រាម គឺមានការពាក់ព័ន្ធជាមួយមន្ត្រីប៉ូលិស ដែលជាមុខសញ្ញាតាមរកចាប់ខ្លួន។

សម្តេច ស ខេង ថ្លែងនាពេលកន្លងមក

ការថ្លែងខាងលើនេះ ធ្វើឡើងនៅក្នុងពិធិបិទសន្និបាតបូកសរុបលទ្ធផលការងារប្រចាំឆ្នាំ២០១៨ និងលើកទិសដៅការងារសម្រាប់អនុវត្ត ឆ្នាំ២០១៩ របស់រដ្ឋបាលរាជធានីភ្នំពេញ នៅរសៀលថ្ងៃទី១៩ ខែមីនា ឆ្នាំ២០១៩ នៅសាលារាជធានីភ្នំពេញ។

សម្តេចក្រឡាហោមបានអះអាងថា សមត្ថកិច្ចមិនស្ទាក់ស្ទើរក្នុងការធ្វើរឿងនេះទេ គឺនឹងបន្តធ្វើទៀត។ «យើងមិនត្រូវទុកឲ្យគ្រឿងញៀនត្រួតត្រាយើងទេ យើងត្រូវត្រួតត្រាគ្រឿងញៀន លុបបំបាត់ឲ្យបានកាត់បន្ថយឲ្យបានជាអតិបរមា និងឈានទៅលុបបំបាត់ សមត្ថកិច្ចត្រូវប្រឹងប្រែង ហើយសមត្ថកិច្ចមិនត្រូវពាក់ព័ន្ធក្នុងរឿងហ្នឹងជាដាច់ខាត។ នៅក្នុងចំណោមមុខសញ្ញានៅរ៉ុក មានប៉ូលិសចូលពាក់ព័ន្ធ ដែលជាមុខសញ្ញាកំពុងតែតាមរកចាប់ខ្លួន ដូច្នេះយើងមិនស្ទាក់ស្ទើរ ធ្វើចំពោះបញ្ហានេះទេ ត្រូវបន្តធ្វើទៀត»៕

អត្ថបទ៖ សំភី