រកឃើញទីតាំងផលិតគ្រឿងញៀនដ៏ធំមួយកន្លែង នៅភ្នំពេញ
- 2019-04-03 04:27:44
- ចំនួនមតិ 0 | ចំនួនចែករំលែក 0
រកឃើញទីតាំងផលិតគ្រឿងញៀនដ៏ធំមួយកន្លែង នៅភ្នំពេញ
ចន្លោះមិនឃើញ
សមត្ថកិច្ចជំនាញកម្ពុជា បានរកឃើញទីតាំងលួចផលិតគ្រឿងញៀនដ៏ធំមួយ នៅរាជធានីភ្នំពេញ។ កម្លាំងនគរបាលប្រឆាំងគ្រឿងញៀន នៃក្រសួងមហាផ្ទៃ បានស្រាវជ្រាវ និងស្ទូចយកម៉ាស៊ីនផលិតគ្រឿងញៀនជាច្រើនប្រភេទ កាលពីម៉ោង១រសៀល ថ្ងៃទី២ខែមេសា នៅផ្ទះមួយកន្លែង (គ្មានលេខ) នៅតាមបណ្តោយផ្លូវ៣៧១ (ផ្លូវសឡា) ភូមិអូរបែកក្អម សង្កាត់អូរបែកក្អម ខណ្ឌសែនសុខ។
សូមបញ្ជាក់ថា នៅពេលសមត្ថកិច្ចធ្វើប្រតិបត្តិការ ម្ចាស់ផលិតគ្រឿងញៀនបានគេចខ្លួនបាត់មុនពេលប៉ូលិសទៅដល់។
ជុំវិញករណីបង្ក្រាបទីតាំងផលិតគ្រឿងញៀនខាងលើនេះ នគរបាលមន្ទីរប្រឆាំងគ្រឿងញៀនបញ្ជាក់ថា សមត្ថកិច្ចកំពុងស្រាវជ្រាវចាប់មេខ្លោងឲ្យបាននាពេលឆាប់ៗខាងមុខ ដើម្បីយកមកផ្តន្ទាទោសតាមផ្លូវច្បាប់៕