សម្តេច ហ៊ុន សែន៖ លោកស្រី អ៊ុង សាន ស៊ូជី នឹងមកទស្សនកិច្ចនៅកម្ពុជា ចុងខែនេះ
- 2019-04-23 03:02:05
- ចំនួនមតិ 0 | ចំនួនចែករំលែក 0
សម្តេច ហ៊ុន សែន៖ លោកស្រី អ៊ុង សាន ស៊ូជី នឹងមកទស្សនកិច្ចនៅកម្ពុជា ចុងខែនេះ
ចន្លោះមិនឃើញ
សម្តេចនាយករដ្ឋមន្រ្តី ហ៊ុន សែន បានថ្លែងបញ្ជាក់ថា ទីប្រឹក្សារដ្ឋមីយ៉ាន់ម៉ា លោកស្រី អ៊ុង សាន ស៊ូជី នឹងមកបំពេញទស្សនកិច្ចផ្លូវការនៅកម្ពុជា នៅថ្ងៃទី៣០ ខែមេសា ឆ្នាំ២០១៩ខាងមុខនេះ។ ការថ្លែងនេះ ធ្វើឡើងក្នុងពិធីប្រគល់សញ្ញាបត្រដល់និស្សិតសាកលវិទ្យាល័យជាតិគ្រប់គ្រង (NUM) នៅកោះពេជ្រ នាព្រឹកថ្ងៃទី២៣ ខែមេសា ឆ្នាំ២០១៩នេះ។
ប្រមុខរាជរដ្ឋាភិបាលបានឱ្យដឹងយ៉ាងដូច្នេះថា៖ «លោកជំទាវ អ៊ុង សាន ស៊ូជី ដែលជាទីប្រឹក្សារដ្ឋ ដែលជាអ្នកដឹកនាំលើការជាក់ស្តែង នឹងធ្វើដំណើរត្រង់ពីប៉េកាំង មកក្រុងភ្នំពេញ នៅថ្ងៃ២៩ ដើម្បីផ្តើមទស្សនកិច្ចផ្លូវការនៅថ្ងៃទី៣០ ខែមេសា»។
សូមជម្រាបដែរថា សម្តេច ហ៊ុន សែន នឹងដឹកនាំគណៈប្រតិភូជាន់ខ្ពស់អញ្ជើញចូលរួមក្នុង «វេទិកាខ្សែក្រវ៉ាត់ និងផ្លូវលើកទី២ សម្រាប់កិច្ចសហប្រតិបត្តិការអន្តរជាតិ» និងកិច្ចប្រជុំសំខាន់ៗផ្សេងទៀត ដែលនឹងប្រព្រឹត្តទៅពីថ្ងៃទី២៥ ដល់ថ្ងៃទី២៩ ខែមេសា ឆ្នាំ២០១៩ នៅទីក្រុងប៉េកាំង ប្រទេសចិន ខណៈដែលលោកស្រី ស៊ូជី ក៏នឹងចូលរួមក្នុងវេទិកា និងកិច្ចប្រជុំនេះផងដែរ៕